معجنات بالجبنه والزعتر واللحمه بعجينة العشر دقائق
معجنات بالجبنه والزعتر واللحمه بعجينة العشر دقائق
المقادير
- خمس كاسات طحين
- كاستين مي دافيه
- معلقتين كبار خميره
- اربع معالق كبار سكر
- نص كاسة زيت كاسه زغيره
- رشة ملح
- اربع معالق حليب باودر
- مقادير الحشوه:
- جبنه بيضاء او اي نوع بتحبيه
- زعتر ناشف او نعنع او بقدونس حسب الرغبه
- الحشوه الثانيه:
- نص كيلو لحمه مفرمه ناعم
- حبتين بصل مفروم ناعم
- ملح
- فلفل اسود
- بهار
- حبتين بندوره مفرومين ناعم
- معلقتين صلصه
الخطوات
بسم الله نبدا وعلى الله الاتكال
يسعد اوقاتكم حبيباتي اليوم رح اقدم الكم المعجنات بطريقه عجينة العشر دقائق طبعا كلكم ربات بيوت مبدعاتزما شاء الله عنكم بس بتعرفو زاكي لتبادل الخبرات وحتى كلنا نستفيد من بعص ونساعد بعض
صدقاتي اول شي حضرت الحسوه وتركتها تبرد طبعا جبنه بيضه خففت ملحها وصفيت منها المي وضفتلها شوية جبنة مزريلا وفركتلها شوية.زعتر ناشف
الحشوه التانيه قلبت اللحمه والبصل وتركتهم لما قريو ينضجو وضفتلهم البندوره ومعلقتين صلصه وفلفل اسود وبهار وملح وانت تفنني بالنكهات الي بتحيه دبس رمان اي شي بدك اياه ولما نضجو ونشفت ميتهم تركتهم يبردو
عجينة العشر دقائق
بحضر كل شي حت يسهل علي العمل طبعا الطحين خمس كاسات بحضر جاط بحط فيه كاستين مي بضيفلهم معلقتين خميره واربع معالق سكر وحركهم منيح بس بدون ما يطلع فيهم كباتيل وبغطيهم وبتركهم على جنب حتى يتخمرو
بضل عنا ثلاث كاسات طحين بضيف الهم الملح ونص كاسة زيت زغيره والحليب الباودر وبحركهم منيح
وبضيف العجينه الي تخمرت الى الطحينزوالحليب والزيت وبعجنهم اما بايدي او بالعجانه حتى يتجانسو وبلمهم بشوية زيت وبخليهم يرتاحو شوي وببلش شغل
وبتعملي الاشكال الي بتحبيها بتكوني محميه الفرن اول شيء بنخبزها من تحت وبعدين بنحمرها
درجة حرارة الفرن180 درجه
الف صحه وهنا
ملاحظه اذا بتحبي المعجنات يكون فيها لمعه بتحلي مشوية نسكافيه بشويه صغيره حليب وضيفيهم للبيضه وحركيهم كويس وادهني بالفرشايه ورشي سمسم وحبة البركه طبعا حسب الرغبه
في معجنات عملتها وما دهنت الوجه بالبيض ونزلته حتى تشوفو الفرق طبعا بتحطي نقطين خل عشان البيض
والسلام عليكم ورحمة الله وبركاته سامحوني على الاطاله لاني بحب اوضح بالتفصيل
استودعتكم لله الذي لا تضيع ودائعه
