الكباب المدخن مع الارز بالخلطه
الكباب مع الارز بالخلطه المدخن وصفه مميزه وطعم لا يقاوم مقدمه من المبدعه Buthayna Ghanem تابعو معها الطريقه
المقادير:
لحمة مفرومة قليلة الدهن افضل
بصل مبروش
توم مهروس
معلقة بقسماط او طحين
رشة ملح
وبهار مشكل
ملعقه لبن
الطريقه:
– الكباب ما بيلزمو كتير مكونات, ممكن معلقة لبن عشان ما ينشف معنا ..بنخلطو كويس وبنخليه بالتلاجة ساعة زمن وبنشكلو وبنتركو كم ساعة ازا معنا وقت ..بنحمي الشواية ازا متوفرة او بالفرن.
– بنشويه على نار حامية شوي عشان ما ينشف معنا.
– الخطوة المهمة هية بنبرش بصلة وبننقعها بشوية مية وبنحط عليها زيت زيتون ورشة ملح وبابريكا ومعلقة كاتشاب وبندهن الكباب بس يستوي وبنولع فحمة مع نقطة زيت بقصدير وبنحطها عالكباب وبنغطيه منيح بقصدير عشر دقايق.
طريقه الارز:
– بنحط عالنار شوية زيت ورز حبة طويلة منقوع ربع ساعة وبنخلط الرز مع الزيت خمس دقايق عالنار وبنضيف بهار مشكل ومكعب ماجي ومية مغلية وبنتركو يستوي بالطريقة المعتادة وقبل ما نطفي النار بخمس دقايق بنضيف الكشنة او الخلطة عليه وبنغطي الطنجرة خمس دقايق وبنحط شوية كركم او زعفران ازا بدنا.
– وبندخنو بنفس طريقة الكباب بنولع فحمة ومع نقطة زيت بقصديرة وبنحطها بنص الرز وبنغطي الطنجرة عشر دقايق بعد ما نطفي النار وصحة وهنا.
الكشنة او الخلطة:
بصل جوانح كمية منيحة بنحطها عالنار مع شوية سمنة او زبدة او زيت بس الافضل زبدة او سمنة .ومع رشة ملح وبهار بنتركو يدبل شوي وبنضيف كم سن توم مفروم شرحات وبنحركو عالنار مع البصل وفلفل حار او حلو شرحات وزبيب وكمية منيحة من اللومي المطحون والهيل الناعم والبهار المشكل بنتركهم يستوو وبنطفي النار وبنحطهم عالرز قبل ما يستوي بشوي.
حابب تحصل على كل وصفات زاكي؟ حمل تطبيق زاكي المجاني للأجهزة الذكية من هنا:
https://goo.gl/ze0y3j
نسعد بمتابعتكم لنا على جروب زاكي لفن الطهي:
الكباب المدخن مع الارز بالخلطه
