برغراتييييي اللذيذين
برغراتييييي اللذيذين
المقادير
- نصف كيلو صدور جاج مفروم ناعم
- بصلة وسط مفرومة ناعم
- رشة بقدونس مفروم ناعم
- معلقتين كبار بكصمات
- بهارات ملح وفلفل اسود وبابريكا ورشة هيل وقرفة مطحونين وبهار جاج (ولكم حرية الاضافات ههههه)
- ملعقة صغيرة خل تفاح
الخطوات
بسم الله الرحمن الرحيم
هي البرغر بطريقتي سهل ولذيذ كتير وصحي ان شاء الله يعجبكم
منخلط الجاج والبصل المطحونين مع البهارات والبقدونس والبكصمات والخل ليمتزجو منيح
بعدين مندهن ايدينا بنقطة زيت ومنقرصهن على شكل دوائر بسمك 1 سانتي
ومنحطن بالبراد شوي ليتماسكو
وبعدها قدامنا خيارين
يا منحطن عالشواية بعد ماندهنها بنقطة زيت كمان ومنقلبها عالجهة التانية بس نشوف لون الجهة الاولى صار ابيض
يا اما منغطها ببيض مبهر وبعدا ببكصمات ومنقليها لتصير مقرمشة هالشي بيرجع لرغبتكم وبالحالتين طيبة كتير
والاضافات حسب رغبتكم كمان
واذا مو متوفر شواية بكل بساطة شووهم بمقلاية تيفال عالغاز بتاخدو نفس النتيجة
♡بحبكم من كل قلبي♡
