برغل بالحمص وزيت الزيتون من اسرع وأشهى الأكلات

المقادير

• كيلو برغل خشن
• 4حبات بصل كبار
• كاسة زيت زيتون
• كوب او اكثر حمص مسلوق
• ا ملعقه ملح
• ا ملعقه فلفل اسود
• كمون بهار

الخطوات

بسم الله الرحمان الرحيم

يسعد اوقاتكم حبيباتي ان شاء الله هذه الاكله السريعه والبسيطه والغير مكلفه تنال اعجابكم وهذه الاكله بعملها احيانا لما اكون تعبانه ومش جاي على بالي اطول بالطبخ او اذا كنت في مشوار وتاخرت ما بتاخذ نصف ساعه وطيبه ومغذيه خاصه اذا زدتي زيت الزيتون شوي لانو بعطيها نكهه وبلفلفلها كويس

اوشي بتغسلي البرغل وبتنقعيه فترة عشر دقائق في هذه الاثناء نضع زيت الزيتون بالطنجره وراس من البصل المفروم وبندبلهم على الغاز لما يصفر لونهم وبنزل عليهم الحمص المسلوق وبنصفي البرغل من المي وبنزلو على الحمص مع التليب المستمر وبنضيف الملح والفلفل والبهار والكمون وبقلب وبنغمرهم بالمي او بالشوربه اذا متوفره حتى تعطيهم نكهه طيبه لانها افضل بكثير من الماجي بس المي يادوب تغمرهم لانو البرغل نا بشرب مي كثير وبعد ما يغو شوي بوطي الغاز وبغطي عليهم حتى ينضجو كويس وفي هذه الاقناء بقطع بقية البصل لشرحات وبحمرهم وبحطهم على الوجه عند التقديم وبقدمهم مع السلطه واللبن والف صحه وهنا يا رب تنال اعجابكم

استودعتكم لله الذي لا تضيع ودائعه