ترته لأعياد الميلاد بطريقة احترافيه بمساعدة الشيف عطر الشام

المقادير

• ٧ بيضات
• كاسة ونص سكر
• ظرفين بكنج باودر
• ظرفين فانيلا
• نص كاسة زيت
• نص كاسة حليب
• كاستين ونص طحين
• رشة ملح ومعلقة خل
• لكريمه الزبده ٢٥٠ غرام زبده وظرف فانيلا وكاستين ونص سكر بودره
• لجناش الشوكلاته نص اصبع زبدة فنجان حليب سائل واربع اصابع شوكلاته ساده

الخطوات

بسم الله

فصلت البياض عن الصفار ولازم يكون الوعاء الي بتحطي فيه البياض ناشف تماما بخفق البياض مع رشة ملح ليصير كريمي وبضيف السكر بالتدريج مع الاستمرار بالخفق ليصير الخليط كريمي وجامد تماما بتركه عجنب

بخفق الصفار مع معلقة الخل وظرفين فانيلا وبرضو ليصير تقيل وبضيفله الحليب والزيت مع الاستمرار بالخفق

بنخل الطحين والبكنج باودر مرتين واذا حابه تكون الكيكه على كاكاو بضيف نص كوب كاكاو وبنخله مع الطحين وبضيفه لخليط الصفار على دفعات لحتى يختلطو منيح بجيب البياض وبضيفه للصفار معلقة معلقة وبحرك بخفه من فوق لتحت وبس يخلص خليط البياض ويكون اختلط منيح بطنجره متوسطه الحجم غلفتها بورق الزبده وحطيت فيها خليط الكيك وكنت مسخنه الفرن قبل عشر دقايق دخلت الطنجره للفرن لمدة من نص ساعه لخمس واربعين دقيقة

بس جهز الكيك حطيته على شبك ليبرد تماما قطعته لثلاث طبقات وشربته بقطر خفيف ودهنت كريمه خفقتها كل مغلف مع نص كاسة حليب بارد جدا وشربت كل الطبقات بالقطر وممكن بداله عصير برتقال غلفت الكيكه بكريمه الزبده وزينتها بنفس الكريمه والفواكه كل وحده وذوقها ودخلت الترته الثلاجه ليله كامله مشان تتماسك وقدمتها

طريقة كريمه الزبده

بحط الزبده بوعاء وبخفقها منيح طبعا بتكون بدرجة حرارة الغرفة وبلشت اضيف السكر البودره مطحون كتير منيح مشان يذوب مع الزبده وضفت مغلف فانيلا برضو مطحون ناعم وخفقتهم منيح واستخدمتها لتغليف الكيك والتزيين واذا بتحبو ضيفو كاكاو بودره مشان تصير على شوكلاته

كيكة الشوكلاته غلفتها بكريمه شانتي وبس بردت درت عليها جناش شوكلاته رح اكتب هلا طريقته

نص اصبع زبده ووفنجان حليب حطيتهم بالخلاط لحتى ذابت الزبده ذوبت شكلاته بحمام مائي وبلشت اضيفلها الحليب مع الزبده لحتى تجانست خليتها تبرد ودرتها بشكل عشوائي على الكيكه

بشكر كتير صديقتي ام شام على مساعدتي في تحضير الترته وعلى كتير نصائح خلتها تطلع ترته احترافيه وبابسط طريقه وبحب احكيلها لمساتك كانت موجوده بكل خطوه