بطاطا بالبشاميل
بطاطا بالبشاميل
المقادير
- قشقوان وبكصمات
- لخليط البطاطا بطاطا مسلوقة:
- ملعقة زبدة
- ملح
- فلفل اسود
- بابريكا
- ملعقة كبيرة طحين
- للحشوة:
- بصل مفروم ناعم
- لحمة او جاج مفروم ناعم
- بهارات حسب الرغبة
- ممكن قشقوان
- للبشاميل:
- ملعقة كبيرة زبدة
- ملعقة كبيرة طحين
- كوب ونص حليب
- ملح
- فلفل اسود
- رشة هيل وقرفة مطحونين بيعطو نكهة غير شكل للبشاميل
الخطوات
بسم الله الرحمن الرحيم
♡لخليط البطاطا منسلق البطاطا ومنهرسها هية وسخنة اسهل ومنضيف عليها معلقة الزبدة والبهارات والطحين ومنخلطهم ليمتزجو منيح
♡ للحشوة منهوش البصل بشوية زيت ومنضيف عليها اللحمة او الجاج والبهار لتستوي وممكن نضيف فطر مقطع صغير بتطلع طيبة كتير معها
♡ للبشاميل مندوب الزبدة ومنحمص فيها الطحين ومنضيف الحليب والبهار ومنخلط باستمرار لحتى يبلش الخليط يغلي ويسمك
منجي للتطبيق مع العلم انو فينا نعملها بعدة اشكال وانا نزلت تنين
ممكن كرات بحيث نفرد خليط البطاطا على ايدنا وحشيناها وكورناها لتصير كرات ومنصفها بالجاط ومنحط البشاميل حواليها والقشقوان والبكصمات عالوش
يا أما طبقات
طبقة بطاطا وطبقة حشوة وطبقة بشاميل وفوقا قشقوان وبكصمات
ومندخلها للفرن ليسيح القشقوان ويشقر الوش
وصحة والف هنا حبيباتي
