كوسا محشي
كوسا محشي
المقادير
- 2كيلو كوسا وسط
- كاستين رز قصير الحبه
- نص كاسه طويل الحبه
- توم
- بصل
- لحمه مفرومه ناعم
- نعنع ناشف او بقدونس
- بندوره
- ملح حسب الرغبه
- فلفل اسود
- بهارات كاري او اي بهار
- معلقه صغيره قرفه
- زيت
الخطوات
بسم الله نبدا وعلى الله الاتكال
اخواتي يسعد اوقاتكم
الكوسا المحشي من الاكلات المحببه لمعظم الناس والكل منا بعرف يعملها وكل واحد له طريقته الخاصه في عملها وهذه طريقتي ان شاء الله تعجبكم واحنا بهذا البرنامج ان شاء الله كل شي بنزلو خالص لوجه الله حتى نفيد بعض ولو بمعلومه بسيطه
بداية اقوم بغسل الكوسا جيدا وازالة القمع الموجوده بالاعلى والاسفل واقوم بحفرها بتاني حتى ما تتكسر مني واقوم بنقعها بالماء والملح لمدة عشر دقائق طبعا بكون نقعت الارز بالماء الدافىء اثناء حفر الكوسا واذا بتحبي لون الارز يكون اصفر حطي معلقة صغيره كركم اثناء النقع
وبعد نصف ساعه من النقع بغسل الارز بصفيه من المي وبضيفله البقدونس المفروم او النعنع الناشف وحبتين بندوره مفرومين ناعم وملح وفلفل اسود وبهار ومعلقة قرفه صغيره وبفرم راس بصل ناعم مع بضيفله زيت حسب الرغبه وبشوح البصل وبصيفله اللحمه وببهرهم وبخليهم نص استواء وبضيفهم للرز والخضارطبعا حسب الرغبه في ناس بضيفو اللحمه نيه للخلطه اذا بتحي الثوم بتهرسي سنين مع الخلطه انا بحط الثوم مع الشوربه وبتخلطيهم مزبوط وبغسل الكوسا مره تانيه وبنبلش نحشيها بنحشي الحبه ثلثينها او فوق النص بشويه وبنصفهم في طنجره وبنضيف شوية زيت وملح وفلفل وبهار اي شي بتحبيه بتفضلي نكهته مع الكوسا ونغمر الكوسا بالمي اذا متوفر شوربه عندك من قبل بيوم بكون افضل واطيب ووبعد ما يغلي بضيف البندور والصلصه والثوم بالخلاط بخلطهم منيح وبصفيهم وبضيفهم للكوسا وبتركها حتى تنضج وبقدمها ساخنه والف صحه وصهنا
ملاحظه….
بتمنى من الجميع التقليل من استخدام الماجي لانه يحتوي على الماده الحافظه واحادي الصوديم بقوم بتدمير الاعصاب والشرايين بشكل بطيء
الاخت مريم رمضان عملت الماجي ونزلتو يا ريت نعملو بالبيت على طريقتها وفي عدة طرق على النت اختارو الي بعجبكم
واتمنى لكم التوفيق
استودعتكم لله الذي لا تضيع ودائعه
