مسخن فلسطيني

المقادير

• دجاجتين مغسولين ومنظفين
• 2 كيلو بصل
• خبز طابون او مشروح
• زيت زيتون
• سماق
• ملح
• فلفل اسود
• لوز للزينه

الخطوات

بسم الله نبدا وعلى الله الاتكال

يسعد اوقاتكم جميعا

المسخن من الاكلات الشعبيه الفلسطينيه الطيبه المحببه للجميع بتمنى طريقتي تنال اعجابكم

طريقه سهله وبسيطه وبدون تعقيدات حتى يقدر اي حد يعملها بكل سهوله

اول شي بحضر البصل بقشرو وبغسلو وبقطعو اما قطع صغيره او او قطع طوليه وبحضر زيت الزيتون وبنزل البصل وعلى النار بحركو بين الفتره والتانيه حتى ما يتحمر من تحت قبل فوق وبضيفله الملح ولما اشعر انه استوى وتذبل البصل بضيف الفلفل الاسود والسماق وبطفي الغار

اثناء تحضير البصل طبعا كنت مقلبه الدجاج ومبهريته بالملح والفلفل والكاري ورق الغار وطبخته بالطريقه المعتاده

هسا بطلع الجاج من الشوربه وبنزلو على زيت الزيتون والبصل حتى ياخذ النكهه الطيبه منه

بصفي الشوربه وبحضر صينية التقديم بتناول رغيف من الخبز بغطو بالشوربه بطريقه سريعه حتى ما يتفتت بدخلو للفرن حتى يتحمربطلع الجاج من الزيت والبصل بضعه في صينيه على جنب وباخذ شويه من الزيت والبصل وبفردها فوق الرغيف المحمر وببلس بالرغيف الثاني والثالث والرابع بنفس الطريقه وبعدين بضيف كل البصل المتبقي فوق الرغيف الاخير طبعا بعد ما اتحمر وبكون حمرت الدجاج وبضيفو فوق الخبز وبرش عليه السماق واللوز المحمص وبقدمه مع اللبن والسلطات او اي شيء بتحبيه

الف صحه وهنا

اللهم لاتجعل الدنيا اكبر همنا ولا مبلغ علمنا

استودعتكم لله الذي لا تضيع ودائعه