وصفات بسبوسة عربية لذيذة

وصفات بسبوسة عربية لذيذة
البسبوسة تتميز بأشكال وطرقها المتعددة والمختلفة, اليوم صديقة زاكي المميزة دوماً
إم عبيدة مجاهد تتحفنا بطريقة ذات نكهة ومذاق مميز جداً, لنتابع.

المقادير:
5 كاسات جوز هند
3 كاسات ونص سميد
كاسة حليب بودره
معلقه كبيرة خميره
نص معلقه كبيرة كربونه
كوب لبن  ( لبن هو الزبادي باللهجة المصرية)
كاسه ونص زيت
3 بيضات
ملعقة صغيرة فانيلا

الطريقة:
– بنخلط جميع المواد ببعض بدون اللبن والبيض.

– البيض بنخلطه مع اللبن لحال بنحط عليهم فانيلا بنخفقهم لما يصيرو مثل الكريما بنحطهم عباقي العيارات اذا احتاجت ماء اعطيها بحيث ماتكون جامده وﻻ طريه.

– بتدهني الصنيه زيت وفردي العجين فيها حززي بسكين قطعيها مربعات يعني.

– دخليها الفرن الحراره 200 غطيها بصنيه ثانيه اول 10 دقايق لما تحسيها بلشت تجمد حمريها.

– الكل بسال عن لون التحمير كثير ناس بفتحو الفرن عالحلو كثير وهاد اكبر غلط ﻻزم تضلها ماخده حم الفرن.

– تسقى بالعسل أو القطر وهي ساخنة وبحيث القطر بارد, وصحتين وألف هنا وشفاء يارب.

حابب تحصل على كل وصفات زاكي؟ حمل تطبيق زاكي المجاني للأجهزة الذكية من هنا:
https://goo.gl/ze0y3j

نسعد بمتابعتكم لنا على جروب زاكي لفن الطهي:
وصفات بسبوسة عربية لذيذة