معجنات وردات البستراما او السنيوره
معجنات وردات البستراما او السنيوره
المقادير
- كيلو طحين ابيض
- نص كوب زيت كانولا
- معلقتين كبار حليب جاف
- معلقتين صغار ملح
- معلقتين كبار سكر
- معلقتين كبار خميره
- معلقتين صغار خل ابيض
- مي دافيه للعجن
- خليط التلميع ربع كوب حليب سائل معلقه كبيره حليب جاف معلقه صغيره نسكافيه بنخلطهن مع بعض منيح
- سمسم وقزحه للوجه
- بستراما او سنيوره
الخطوات
بسم الله نبدا
اول اشي بنخلط جميع المود الجافه مع بعض وبعد هيك بنبلش نضيف المي الدافيه ومعلقتين الخل وبنعجن العجينه كتير منيح لما تسير عنا عجينه طريه وناعمه بنتركها تخمر نص ساعه وبعد هيك بنحضر العجينه وبنرش على الطاوله شويه طحين وبنرق العجينه وبنقطعها دوائر وبنضع قطعه بسترما فوق العجينه وبعد هيك بنرجع بنحط فوقها كمان قطعه عجينه وبالسكينه بنعمل ثمن شقوق من اطراف العجينه بس ما بنوصل للنص وبنمسك كل شق من اطراف العجينه وبنطوي لتحت
عكل حال انا موضحه بالصور. وبنصف القطع على صينيه الفرن وبنركهم ربع ساعه يخمرو وبعد هيك بندهنهم بخليط التلميع وبنرش السمسم او القزحه وبنخبزهم بالفرن المحما مسبقا اقل من ربع ساعه تقريباا على درجه 180 لما يسير لونهم ذهبي بنطلعهم من الفرن وبنقدمهم والف صحه وهنا
ملاحضه يمكن عمل نفس الاشكال بالمعجنات الحلوه ويتم حشيها بالشوكولاه
نفس مقادير العجينه وبنستغني عن الملح وبنضيف رشه ملح بس
وبنضيف نص كوب سكر لتسير عنا عجينه حلوه انا عملت منها وحشيتها شوكولاه وآخر صوره لعجينه الحلويات
صديقتكم رشا ام احمد
لا تنسو تضيفو وصفاتي للمفضله
وبدعي جميع الصبايا الجداد لزياره ملفي ويطلعو على وصفاتي ويجربوهم
والف صحه مسبقا
كل الاحترام الكم مني جميعاا
