كب كيك الليمون وكريمه بطعم الليمون رووعه
كب كيك الليمون وكريمه بطعم الليمون رووعه
المقادير
- اربع بيضات بدرجه حراره الغرفه
- كوبين ونص طحين ابيض
- معلقه كبيره نشا
- كوب سكر
- كوب الا ربع زيت كانولا
- برش ليمونه
- كوب عصير ليمون
- معلقتين صغار بيكنج باودر
- معلقتين صغار فانيلا
- مقادير الكريمه
- 200غرام زبده بارده
- كوبين سكر مطحون بودره
- معلقه صغيره فانيلا
- كوب مهلبيه بارد قوامها ثقيل
- معلقتين كبار عصير ليمون+ برش ليمونه
الخطوات
بسم الله نبدا
اول اشي بنخفق البيض منيح لما يسير لونو فاتح وبعد هيك بنضيف برش الليمون والفانيلا والسكر وبنستمر بالخفق لما يذوب السكر منيح وبعد هيك بنضيف عصير الليمون والزيت وبنواصل الخفق وآخر مرحله بنضيف الطحين المنخول مع النشا والبيكنج باودر وبنحركهم بملعقه خشبيه ليمتزجو منيح وبعد هيك بنوزع خليط الكيك باكواب الكب كيك المدهونين زيت وبنخبزهم ربع ساعه او اقل حسب الفرن على درجه 170
وبعد هيك بنفحصهم بعود خشبي اذا استو بنطلعهم يبردو وبنحضر الكريمه بنضع جميع مقادير الكريمه وبنخفقهم كتير منيح وبنتركها بالثلاجه نص ساعه وبعد هيك بنزين فيها حبات الكب كيك حسب الطلب
بتمنا تجربوها وتعجبكم
والف صحه وهنا
تحياتي الكم رشا ام احمد
كل الاحترام الكم مني جميعاا
