معمول بالسميد مثل الجاهز على طريقة ام يوسف

المقادير

• 3 كاسات سميد خشن
• كاسة ونص سمنة مخلوطة بزيت ذرة
• نص كاسة طحين
• حليب لونا سائل وماء ورد مركز للعجن
• 3 ملاعق سكر
• مستكة
• محلب
• دقة معمول وانا بستعمل اليانسون والشومر بدال الدقة وبضيف ڤانيلا باودر

الخطوات

بنخلط السمنة والزيت ونحميهن عالنار حد الغليان

بنبس فيهن السميد وبنتركه لمدة 3 أيام وبنظل نفقده ونبسه بايدينا كل فترة

بنطحن المستكة والسكر والشومر واليانسون ونخلطهن بالسميد مع نص كاسة الطحين

نعجن بالحليب البارد انا مااستخدمت ماء ورد عجنت بحليب مركز وحطيت ملعقتين سمن بلدي عشان الطعم وعجنت منيح لحتى تماسكت العجينة وتركتها ترتاح ساعة وبعدها نبلش نحشيها ونكورها ، الحشوة اختياري انا حشيت قسم جوز مخلوط بقرفة وقطر وقسم بتمر

وعيدكم مبارك