قراقيش سوبر يمي

المقادير

• 3 كوب طحين ابيض
• نصف كوب زيت ذرة
• ملعقة يانسون مطحون
• ملعقة حبة البركة
• نصف كوب سمسم
• ثلث كوب يانسون حب
• ماء من كاسة لكاستين حسب نوع الطحين
• زيت للقلي
• قطر للتقديم

الخطوات

السلام عليكم ياوردات زاكي… حبيت اليوم اشاركم معي بوصفة سهلة جدا لكن طيبة جدا جدا.. بسم الله نبدأ

# بنخلط كل المواد سوا عدا المي وبعدين بنضيف المي شوي شوي لحتى تلم العجينة معك بتتركيها ترتاح ساعة .

# بعدين بتفرديها رقيقة على ظهر صينية او سدر كبير لتسهيل نقلها للقلي.. وبتقطعيها اشكال مربعات او مستطيلات زي ما بتحبي.

هيه بتغلب بنقلها للقلاية لانه عجينة لينة وقطع صغار فشو بعمل انا بحمل السدر المفرودة عليه متل لوحة الالوان بايد الرسام ههههه وبنزلهم عنه بمساعدة سكين عالقلاية.

# بتقليها بزيت حامي بتاخد بالقلي عشر دقايق تقريبا يعني لا تخافي مارح تنحرق بسهولة.

# من القلي للقطر فورا ومن القطر على مصفى.

# وتقدم باردة.. وصحتيين وهنا