بسكوت التمر بالسمسم روووعه
بسكوت التمر بالسمسم روووعه
المقادير
- 4 كوب ونص طحين ابيض
- بيضه بدرجه حراره الغرفه
- 250 غرام زبده طريه
- كوب سكر مطحون او اقل حسب الرغبه
- ربع كوب زيت
- رشه ملح
- معلقه صغيره فانيلا
- معلقه صغيره بيكنج باودر
- كوب سمسم محمص مخلوط مع شويه قطر
- 700غرام عجوه
- معلقتين زيت
- رشه قرفه
الخطوات
بسم الله نبدا
اول اشي بوعاء بنضيف الزبده والسكر ورشه الملح وبنخفقهم منيح وبعد هيك بنضيف البيضه والفانيلا وبنستمر بالخفق لما يسير عنا خليط كريمي بنظيف الزيت وبنخفقهن شوي وبعد هيك بنبلش نضيف الطحين تدريجيا لما تسير عنا عجينه ناعمه وطريه بنريحها بالثلاجه ربع ساعه وبعد هيك بنبلش نشتغل فيها وبنشكلها حسب الطلب وبنحطها بالسمسم وبغلفها من كل الجهات وبنضعها بصينيه الفرن وبنخبزها على فرن حامي على درجه 180 لمده ربع ساعه تقريبا
ملاحضه ممكن نحتاج كميه اقل من الطحين حسب نوع الطحين
العجوة:
700غرام عجوه نعجنهم مع معلقتين زيت ورشه قرفه
الف صحه وهنا ان شاء الله تجربوها وتعجبكم
تحياتي الكم مني جميعا رشا ام احمد
