طريقة عمل كعك العيد
طريقة عمل كعك العيد
المقادير
- ٣ كيلو سميد
- ٦ كاسات سمنه دايبه ودافيه
- كوب ونص سكر مطحون
- كوب ونص حليب بودره
- معلقة كبيره محلب
- معلقة كبيره يانسون
- معلقة صغيره خميرة
- كاسة ونص طحين
- ٣ كاسات ماء مخلوطه ماء عادي وماء ورد
الخطوات
نبس السميد والسمن جيدا حوالي ٢٠ دقيقه بسيته
وبعدين ضفت السكر والحليب وبسيته كمان شوي وتركته يومين وخلال اليومين كنت ابسه كل ٦ ساعات تقريبا.
ولما ابلش اشتغل بالسميد بضيف الطحين والمحلب واليانسون والخميره وببلش اعجن بالمي حتى يصير عندي عجينة قابلة للتشكيل…..
المي دفيتها على الغاز و٣ كاسات الماء حطيت منهم كاستين ماء عادي وكاسة ماء ورد….
الفرن لازم يكون حامي….
التمر حطيت معه معلقه صغيره قرفه ومعلقه صغيره يانسون ومعلقه كبيره سمنه وعجنته وعملته كرات…
الفستق الحلبي حطيت نص كيلو فستق ومعلقه كبيره سمنه ومعلقتين كبار ماء ورد ومعلقه حليب بودره و٤ معالق قطر وتلت الكوب سكر بودره وعملته كرات……
جوز عين الجمل حطيت معه قرفه ومعلقة كبيره سمنه ومعلقتين كبار ماء ورد ومعلقة حليب بودره وتلت الكوب سكر مطحون و٤ معالق قطر وعملته كرات…..
