كعك العيد
كعك العيد
المقادير
- كيلو ونص سميد ناعم
- كيلو ونص طحين
- كيلو زبدة
- كاسة زيت ذرة
- ملعقة يانسون مطحون
- ملعقة مستكة
- محلب مطحون
- حليب ناشف حسب الرغبة
- تمر
- فستق حلبي مجروش
الخطوات
الطريقة والمكونات
انا اتبعت الطريقة التقليدية والقديمة بعمل الكعك اللي هي ،
كل 3 كيلو سميد بدهم كيلو سمنة او زبدة وكاسة زيت ذرة
انا عملت كيلو ونص سميد وكيلو ونص طحين خلطتهم مع بعض وحطيت عليهم كيلو زبدة وكاسة زيت ذرة وبهارات الكعك او دقة الكعك .وحطيت مستكة مطحونة معلقتين وحطيت محلب مطحون معلقتين وكاسة سكر مطحون وبسيتهم بروس الاصابع لحتى تجانسوا تماما وغطيتهم وتركتهم 24ساعة وكنت افركهم بالاصابع من فترة لاخرى .
ولما اجيت اشتغل فيهم غليت يانسون وذوبت فيه نص كاسة حليب جاف . وحطيت معلقة بيكنج باودر
واضفت فانيلا سائلة وممكن تضيفي نص كاسة ماء الورد او حسب الرغبة .
وبتعجني العجينة باليانسون المذوب فيه الحليب وبطريقة البس لحتى تحصلي على عجينة طرية سهلة التشكيل وبتبلشي تقطعي العجينة لكرات صغيرة وتحشيها قسم تمر وقسم فستق حلبي. .حسب الرغبة طبعا
وبترصيهم بالقالب المخصص او بتبميهم بايدك وبتنقشيهم بالملقط وبتصفيهم بصواني وبتشويهم بالفرن .وبس يبردو بترشي عليهم سكر مطحون
وصحة وهنا
#كعك العيد ام نضال
