كيف تصنع أطيب بقلاوه في الكون ؟
بقلاوة ولا اروع شهيه ومضمونه وطعم لايقاوم للمبدعه Noor Alslam تابعو معها الطريقه
المقادير:
كيلو دقيق ( ما يعادل 4 كوب)
رشه ملح
نص كوب زيت
الطريقه:
– تعجنيها كويس بماء دافي عجينه مش رطبه ولايابسه تعجني كويس لمده لاتقل علي 10 دقايق.
– خليها ترتاح ربع ساعه مش اكتر, واقسميها نصين وكل نص اقسميه 14 كورة متوسطه الحجم, وبعدها خودي كل كورة وبايدك اافرديها شويه وغربلي عليها نشا وحطي عليها الكورة التانيه بنفس الكيفيه تكملي 9 كور علي بعض وحطي كميه كويسه من النشا بين كل العجينه وهذا السر فيها.
– وبعدها افرديهم شويه بالنشابه و غطيهم وجهزي نص كيلوا سمن دايب علي نار هاديه.
– واطحني كيلو لوز مع نص كوب جوز هند ورشه قرفه ونص كوب سكر وشويه من روح اللوز, اخلطيهم وخليهم علي جنب.
– وادهني الطاجين الفرن المربع بالسمن.
– وبعدها خودي اول كور من العجينه ال فردتيها يعني اول تسع كور وابدي افردي بالنشابه حتى تتحصلي علي ورقه كبيره مورقه ولما تفردي رشي النشا يعني النشا علي طول شغال معاك.
– بعدها خودي الطاجين وحطيه في منتصف الورقه وقصي عليها العجينه وزيلي الاطرفه وغطيه لان ممكن تستفيدي منهم اني عملت بيهم بقلاوة متلتات, حطي الورقه هادي بالطاجين ونقبيها بالشوكه وصبي عليها مقدار كويس من السمن اقل من ربع كيلوا بشوي.
– وحطي الخليط اللوز وانتبهي لازم توزعيه كويس علشان ماتطلع طبقه معبيه وطبقه لا.
– وبعدها تاخدي التسع الكور التانيات وتعملي متل ال قبلهم وتحطيهم علي خليط اللوز ومن غير ماتقبيهم قصي بطريقه ال تناسبك وصبي سمن كميه كويسه ودخلي للفرن اول شي حطي من فوق شويه بعدها نزلي للوسط.
– و يكون علي درجه 180..من فوق وتحت..ولما تطلع عسليها بعسل خاتر وبارد..وخليها اقل شي نص ساعه في العسل.
اسرار نجاح البقلاوة:
لضمان هشاشه القشره وعدم تعجن ورقتها اتناء الخبز..ننصحكم بالتالي/
1.لاتتركيها ترتاح كتيرا يعني من لما تعجنيها اتبعي كل الخطوات ورا بعض.
2.النشا لازم يكون مغربل وبكميه وفره بين الطبقات
3.السمن لازم يكون لوحده مش مخلط..ودايب علي نار هاديه..وتصبي كميه وفره عليها.
