ورق عنب ( دوالي)
ورق عنب ( دوالي)
المقادير
- نصف كيلو ورق عنب
- كيلو ارز حبة متوسطة
- نصف كيلو لحمة مفرومة
- بصل
- ثوم
- بندورة
- كاري
- بهار دجاج
- بهار عبيدو
- ملح
- فلفل
- ماجي
- زيت ذرة
- دجاج او لحمة ريش اختياري تحت الدوالي
الخطوات
السلام عليكم ياوردات.. مافي ست بيت مابتعرف طريقة الدوالي بس بنحب نتشارك الخبرات احيانا بتفرق بالبهارات او بشي بسيط .. بسم الله نبدأ
# اول شي بنسلق ورق العنب كالمعتاد. وبننقع الرز
# بنقلي اللحمة لحتى تتنشف ميتها عالغاز.
#بنجهز الحشوة وبنضيف عالرز جميع انواع البهارات المذكورة واللحمة والبصل مفروم نااااعم جدا وتوم مهروس وماجي وزيت ذرة.
# بنجهز الطنجرة وبنحط فيها شرحات بندورة وبصل وازا حطينا دجاج او لحمة تحت الدوالي بنقلبها بالبهارات وزيت لحتى تتحمر وتطير زفرتها.. وبتصير مذاقها خرافي تحت المحاشي.
# بنلف الدوالي وبنرتبها في الطنجرة وبنغطيها بورق مفرود مو محشي عشان يمنعها تسودّ او تتفتح وبنضيف مي مع ماجي لحتى تنغمر الدوالي وبنخليها بعد الغليان ربع ساعة عنار عالية وبعدين بنوطي الغاز عالاخر وبنتركها ساعة ونصف.
# بعد الاستواء بنطفي الغاز وبنتركها ترتاح وتتشرب ربع ساعة بدون فتح الغطاء..
# وتقدم وصحتييييين وهناااا
