بوريك مقرمشة
بوريك مقرمشة
المقادير
- مقادير العجينة
- 2 كوب طحين ابيض
- 4 ملاعق زيت زيتون
- رشة ملح
- ماء للعجن بدون مقدار محدد
- الحشوة حسب الذوق.. استخدمت لحمة مقلية مع بصل.. وحشوة جبنة بيضاء مع زيتون اخضر.
- زيت ذرة للقلي
- نشاء للفرد
الخطوات
السلام عليكم ياوردات.. اليوم راح اقدملكم بوريك مقرمش رائع واطفالكم رح يحبوه كتير ورح يكون طبق جانبي مميز على مائدتكم.. بسم الله نبدأ
# العجينة: بنخلط الزيت مع الطحين والملح وبنضيف الماء شوي شوي لحتى تلم العجينة معك فقط مابدنا عجينة لينة.. المفروض تكون جامدة.. ممكن تاخد تلات ارباع كوب مي.
# بنغلفها بنايلون وبنتركها ترتاح نص ساعة.
# بنقطعها كرات صغيرة بحجم اكبر من حبة الجوز بشوي… وبنصير نشتغل بأول قطعه كورناها بالترتيب لحتى تفرد معنا منيح.
# بنفرد قطعة العجين بالشوبك او النشابة بمساعدة النشا لحتى تصير شفافة العجينة وبنحشيها .
# بنقلي بزيت حامي وغزير وبنحطهم على ورق المطبخ لحتى يتصفوا من الزيت.
# وتقدم سخنة وصحتييييين وهنا.
