معمول سميد روووووووعه
معمول سميد روووووووعه
المقادير
- 3 كيلو سميد فرخة
- 3 كاسات طحين ابيض
- 5 كاسات سمنة او خليط سمنة وزبدة
- 4 ملاعق دقة كعك
- ملعقة صغيرة محلب مطحون
- ملعقة صغيرة مستكة
- كاستين سكر
- كاسة حليب بودرة
- كاسة الا ربع ماء زهر
- ملعقة كبيرة خميرة
- ماء دافي للعجن
- الحشوة :
- تمر
- هيل
- زيت
- او:
- فستق حلبي قطر ثقيل
الخطوات
السلام عليكم ياوردات.. طبعا العيد عالابواب كل عام وانتم وعائلاتكم بالف خير.. والكل عم يعمل معمول وكعك.. حبيت اشارككم طريقتي المتواضعه.. وهاد كان معمول عيد الفطر ..
بسم الله نبدأ
#بنخلط السميد مع الطحين ودقة المعمول والسكر والمحلب والمستكة والحليب وبنحط فوقه السمنه والزبده بعد ما نذوبهم وبنبسبسهم بلطف وبنتركهم لتاني يوم.
#تاني يوم بنضيف الخميره مع ماء الزهر وبنحركهم بدون عجن.
#بنجيب مي دافيه وبنكمل عجن المعمول بطريقة الدعك.. مابدنا نكتر تعجين لانه بيقسى.
#بنتركه يرتاح نص ساعه وبنشكله زي ما بنحب.
- الحشوة : تمر معجن مع هيل وزيت .. او فستق حلبي مخلوط بقطر ثقيل .
#بنخبز بفرن محمي مسبقا.
# بعد مايبرد تماما 100% بنحفظه بعلب محكمه الإغلاق وبنغلفه بنايلون عشان يحافظ على طراوته.
