رز بخلطة الزبيب والبصل ملكة اطباق الأرز

المقادير

• جاجه كامله او مقطعه
• 3 كوب رز بسمتي
• 4 بصلات كبار
• كوب الا ربع زبيب اشقر منقوع بماء دافئ ومعلقتين ماء ورد
• تتبيلة الجاج:
• ملح
• فلفل اسود
• بابريكا
• بهار مشكل
• قرفه
• هيل
• سن تومه مدقوق
• عصير نص ليمونه
• معلقة صلصه
• تتبيلة الزبيب:
• ملح
• فلفل
• قرفه
• هيل
• جوزة الطيب
• كمون
• كبش قرنفل اختياري

الخطوات

بتنظفي الجاجه منيح بالليمون والملح والخل بعدين بتبليها بالبهارات وبتتركيها قد ما تقدري بالتتبيله مش اقل من 4 ساعات وبتحطيها بكيس الشواء بالفرن.

لطبخ الرز بسلق عظم خاروف باخد ميته مشان يدسم الرز وبفلفل الرز بدون اضافة بهارات بكتفي ببهارات سلق العظم فلفل حب، هيل حب، ورق غار،عود قرفه، بصله صغيره، ملح.

لخلطة الزبيب بفرم البصل وسط وبقلبو بزيت زيتون وشرط زيت زيتون وبضيفلو البهارات والزبيب وبتركو ينطبخ عنار متوسطه ليستوي بياخد شوية وقت تقريبا 40 دقيقه حسب الكميه وبتفقدو كل شوي وبضيفلو شوية مي.

للتقديم بتسكبي الرز بعدين خلطة الزبيب بعدين الجاج وصحه وهنا.

وبتنعمل كمان باللحمه ان شالله تعجبكم.