قراص العيد

المقادير

• 3 كيلو طحين
• كوب حليب ناشف
• كوب زيت زيتون
• نص كوب يانسون حب
• ربع كوب شومر مطحون
• ملعقتين خميرة
• رشة ملح
• فنجان سكر
• رشة كركم
• محلب مطحون اختياري
• كمون حب او مطحون اختياري
• نص كوب سمسم محمص
• ربع كوب حبة البركة
• ماء دافي للعجن

الخطوات

بسم الله نبدأ….

اول شي بنخلط النواشف مع بعض ونعمل حفرة بالطحين وبنضيف مي وربع مقدار زيت الزيتون، وبنبلش عجن مع اضافة الماء بالتدريج حتى نحصل على عجينة مرنة بتشبه عجين الخُبز، اخر شي بنضيف باقي كوب زيت الزيتون للعجين وبنعجن منيح حتى ينمزج الزيت بالعجين ونغطيها ونتركها بمكان دافي عشان تتخمر ،

بس يخمر العجين بنقطعه لكرات مناسبة لحجم القالب الموجود عندك ، وبنتركه يرتاح ربع ساعة بعد التقطيع وبعدها بنبلش نرقه بالقالب طبعاً وماننسى نحط زيت عالقالب عشان مايلزق العجين فيه، بعد مانشكلها بالقالب نحطها بصينية الفرن مدهونة زيت انا بستخدم زيت الذرة لأنه اخف من زيت الزيتون ع فرن حامي من تحت وبعدها عالتحمير وبس نطلعها مباشرة ندهن وجه كل رغيف بزيت زيتون وهاي اختياري

وألف صحة وهنا ع قلوبكم وكل عام وانتم بخير وينعاد علينا وعليكم بالصحة والعافية “تقبل الله طاعاتكم ”