قدره باللحمه على طريقتي الخاصه

المقادير

• 3كيلو لحمه
• كيلو ارز بسمتي او ابو كاس حبه طويله
• حمص مسلوق
• بصل
• ثوم الكميه حسب الرغبه
• ملح
• فلفل اسود
• بهارات القدره
• ورق غار
• هيل
• معلقة كاري
• معلقة هيل مطحون ناعم
• هيل حب
• لسلق اللحمه زيت

الخطوات

بسم الله نبدا وعلى الله الاتكال

يسعد اوقاتكم

كل عام وانتم بخير حبيباتي ربنا يسعدكم ويحميكم ويشافي مرضاكم ويرحم موتاكم ويصلح احوالكم… امين

حبيباتي هذه وصفتي البسيطه السريعه الخاليه من التعقيدات وصدقا كتير طلعت طيبه الله يطيب كل ايامكم

يا رب انها تعجبكم

اول شي غسلت اللحمه كويس وحطيتها النار ولما غلت شلت الزفر عن الوجه وحطيت المطيبات متل الهيل ورق الغار والبهار والفلفل وتركتها على راحتها على نار هاديه او بتعمليها بالضغط متل ما بدك لكن طفي عليها قبل ما تستوي بشوي لانه بدنا نطبخها مره تانيه مع الارز

في هذه الاثناء نقعت الارز لمدة نص ساعه بمي فاتره وقطعت البصل شرحات وقلبتو على النار وضفتلو التوم ولما يقرب يجهز بضيفله الحمص المسلوق والملح والفلفل ومعلقه من بهارات القدرة وشوية كاري وبغسل الارز منيح وبضيفله تقريبا ثلث الكميه من البصل والتوم والحمص المبهرين وبحركهم كويس مع الارز طبها الارز لكون حاطه معلقه كركم صغيره مع النقع عسان احصل على اللون الاصفر

طبعا بكون ملحت اللحمه قبل ما اطفي عليه بربع ساعه لانه الملح باخر الاستواءوبصفي السوربه وبحضر طنجره تانيه وبصف اللحمه بقاع الطنجره وبضيف فوقها البصل والحمص والتوم المبهرين حت اللحمه تاخذ النكهه الطيبه وبجيل الرز المغسو والمتبل منيح وبديرو فوق اللحمه والبصل والتو المبهرين وبضغط عليهم شوي بايدي وبدير الشوربه فوقها بخليها مرتفعه شوي عن الارز بقدر عقدة الاصبع او لكتر شوي وبعد ما تغلي بشوي بوطي النار وبتركها حتى تستوي على راحتها انسيت احكيلكم اني بحط شوي زيت مع خلطة الارز قبل ما اطبخه حتى يطلع مفلفل بشكل صحيح

وبقدمه مع السلطه واللبن ساخن.والف صحه وهنا