لعشاق الشوكولاتة
لعشاق الشوكولاتة
المقادير
- كوب حليب
- ثلثين كوب زيت
- ثلث كوب زبدة
- كوب وربع سكر او حسب الرغبة
- 3 ملاعق كبيرة كاكاو
- ملعقتين كبار بودرة الشوكولا (نيسكويك وماشابه)
- قطع شوكولا خام (اختياري)
- بيضتين
- باكيت فانيليا
- باكيت بيكينغ باودر
- رشة ملح
- ملعقتين كبار نشا
- كوب وربع طحين
- ملعقة صغيرة خل
الخطوات
☆بسم الله الرحمن الرحيم☆
منخلط السكر مع بودرة الشوكولا وبودرة الكاكاو ومنخلطهم سوا ومنضيف عليهم الحليب وبعد الحليب منضيف الزيت شوي شوي اثناء الخفق
مندوب عالغاز كمية الزبدة واذا في شوكولا خام مندوب شوي معها لتعزز نكهة الشوكولا
منحاول ماتسخن الزبدة بس يادوب تسيح هية والشوكولا ومنضيفهم فوق الخليط بعد مايبردو شوي ومنخلط كل شي سوا بتلاقو صار عنا صوص شوكولا رائع
منقيم جزء منو للبراد ومنترك حوالي كوب من الخليط
بطبق تاني مننخل الطحين مع البيكينغ باودر ورشة الملح والنشا ومنخلطهم مع بعض ومنضيف عليهم البيض والفانيليا والخل ومنضيف فوقهم خليط الشوكولا اللي تركناه بالخلاط ومنخلطهم بهدوء ومنحطهم بالفرن الحامي بعد مانصبهم بقالب مدهون او مبطن بورق زبدة على درجة حرارة 180 لحتى نختبرو بعود خشب ونلاقيه استوى
بس نطالعو منتركو ليبرد تماما وبعدا اذا حبيتو تعملو فيه ثقزب بالعود لحتى يتشرب الشوكولا اكتر او ااذا بتحبو بتكتفو بتغطاية الوش بطبقة من الصوص حسب رغبتكم
وبس يا حلوات جربوها وان شاء الله بتعجبكم وبتدعولي دعوة حلوة متلكم
بحبكم من كل قلبي يانوتيلا انتو هههههه♡
نسيت قلكم انو في وصفة او بالأحرى فكرة تابعة لهي الوصفة بس ماحبيت حطها معها وطول الكلام عليكم اكتر فتابعونا في الحقة القادمة من برنامج ~كول واسمن~ هههههه
يلا بأمان الله♡
