طريقة تانية لتفريز الملوخية

المقادير

• ٤ كيلو ملوخية بعيدانها
• كاسة ماء
• معلقة سكر

الخطوات

اليوم فرزت ملوخية مفرومة وانا عادةً بفرز الملوخية ورق ولما بدي اطبخ ملوخية بطولها من الفريزر وبفرمها مباشرة وهي مجمدة على محضرة الطعام وبضيفها للمرقة ..

اليوم فرزت ملوخية مفرومة

بعد ما لقطتها وغسلتها ونشفتها فرمتها ع ايدي ،

جبت طنجرة وحطيت فيها معلقة سكر وكاسة مي وغليتها وسقطت الملوخية المفرومة فيها وحركتها لحتى اختلطت المي مع الملوخية وطفيت النار وتركتها تبرد وعبيتها باكياس التفريز وع الفريزر مباشرة ..

وطبعا لما بدك تطبخي ملوخية بتطولي طبخة من الفريزر وعلى مرقة الدجاج مباشرة

وصحة وهنا

#تفريز ملوخية …ام نضال