فاهيتا الدجاج الحار او المكسكاني مع الصوص المكسيكي
فاهيتا الدجاج الحار او المكسكاني مع الصوص المكسيكي
فاهيتا الدجاج الحار او المكسكاني مع الصوص المكسيكي
المقادير
- اربع صدور دجاج منزوعين من العظم ومفرومين مربعات كبار او شرحات بالطول حسب الطلب
- فلفل حلو الوان احمر واخضر واصفر
- راس بصل كبير
- ربع كوب زيت نباتي
- سنين ثوم مفرومين ناعم
- معلقه كبيره من بهار الفاهيتا الي هيه عباره عن كمون وزعتر وفابريكا حلوه وفابريكا حاره وكزبره ناشفه
- ربع كوب خل ابيض
- عصير ليمونه
- قرن فلفل حار مفروم ناعم
- مقادير الصوص اربع حبات بندوره مقشرين ومفرومين ناعم + معلقتين صوص البندوره
- راس بصل وسط مفروم ناعم
- قرن فلفل حار مفروم ناعم
- سنين ثوم مفرومين
- نص كاسه كزبره خضره
- ملح حسب الطلب
- فلفل اسود حسب الطلب
- اربع معالق كبار زيت
- معلقه صغيره كمون
- معلقه صغيره من بهار الفاهيتا
- مقادير صوص المايونيز
- معلقتين كبار مايونيز
- رشه فلفل اسود رشه ملح
- اربع معالق كبار لبن او معلقتين لبنه
- عصير نص ليمونه
الخطوات
بسم الله نبدا
بالبدايه بنحضر الدجاج الي بنكون غاسلينو منيح وبنضيفلو البهارات والخل والملح وبنتركو يتبل ساعتين
بهالوقت نبلش نحضر الصوص الحار
بنقلي البصل والثوم والفلفل الحار بالزيت لما يتذبل بنضيف عليهم البندوره المفرومه ناعم وبنضيف التوابل والملح وبنضيف كوب مي ومعلقتين صوص البندوره وبنتركهم يغلو وبعد هيك بنضيف الكزبره الخضره المفرومه وبتركو لما يبلش يتماسك ويثقل قوم الصوص تقريبا عشرين دقيقه وبنضل نحركهم كل شوي وبس يتماسكو بنطفي الغاز و بنخليهم يبردو منيح وبنخلطهم على الخلاط وبنطحنهم وهيك بسيرو جاهزين للتقديم
طريقه تحضير صوص المايونيز بنخلط جميع المقادير مع بعض منيح وتقدم وصحه
بهالوقت بنبلش بتحضير الدجاج بنحوس البصل المقطع جوانح مع حبات الفلفل الملون المقطع بالطول والفلفل الحار المفروم والثوم بالزيت لما يذبلو
بنشيلهم عجنب وبنضيف بنفس الزيت قطع الدجاج الي نقعناه بالبهارات وبنحركهم بين كل فتره وفتره لما يتنشفو منيح ويستوي الدجاج بنطفي الغاز وبنظيف عليهم الفلفل الي حسناه وبنقلبهن مع بعض وتقدم مع خبز التورتيلا او خبز الصاج والف صحه وهناا يا رب تعجبكم لا تنسو تضيفوها للمفضله
ملاخضه يمكن الاستغنار عن الفلفل الحار حسب الرغبه
ان شاء الله تعجبك حبيبتي ام البنات
تحياتي الكم جميعا رشا ام احمد
