طريقة عمل الدجاج الصيني بالخضار بالصور
من أجمل ما في الحياة هو التغيير والبعد عن الروتين, فما رأيك عزيزي القارئ بتذوق الطعام الصيني, تفضل هذه الوصفة الشهية المقدمة من صديقة زاكي المميزة Wafaa Hashem, لنتابع.
الدجاج بالطريقة الصينية جدا شهي
الطريقه:
– اول شي بنجيب جاج مسحب و بنقطعو صغير و بنتبلو بفلفل اسود و زنجبيل مبروش طازج و صويا صوص و ملح و كزبرة خضرا ناشفه و ممكن الاستغناء عنه و ثوم باودر و اوريغانو و ليمون و نتركو اقل شي ساعتين.
– بعدين بنحضر الخضار فيفلة حلوة ملونة ( اخضر / اصفر / احمر ) و جزره و بصله و بصل اخضر و زنجبيل مبروش و سنين تومة و فطر و بنخطعهم شرائح طولية صغيرة.
– و بالنسبة للزر بننقعه بماء سخنه شي نص ساعه و بعدين بنطبخه عادي مع ذرة صفراء مسلوقة و بازلا و جزر مسلوقين من قبل مع شوية صويا صوص و ملح و حبة ماجي.
– بعدين بنجيب الجاج بنقليه بشوية زيت قليلة لتتحمر.
– بعدين بنجيب طنجرة و بنحط شوي زيت زيتون و بنحط البصل و التومة لتدبل شوي و معهم حبة ماجي و قرفة و كاري و هيل مطحون و زنجبيل مبروش و شوي كزبرة خضرا ناشفة صغيرة و بهارات مشكلة ما نكتر و بس يدبل بنحط الخضار كامل و اتركيه ليدبل و يتغيير لونه و شبه يستوي و عليهم شوي صغيرة صويا صوص.
– و بعدين بنضيف عليهم الدجاج و نتركهم على نار هادية ليستوي الدجاج منيح مع الخضار.
– بعدين بنجييب صحن و بنحط فيه معلقة نشا كبيرة و صويا صوص و معلقة كبيرة كاتشب و نص معلقة خردل و نص معلقة خل تفاح و نص معلقة صوص البابريكا ممكن الاستغناء عنه و بندوبهم بماء و بنضيفهم عالدجاج ليتقل معنا الصوص و اذا ما تقل ضيفي كمان معلقة نشا و دوبيها مي باردة قبل ما تحطيها و صحتين.
الحامض الحلو:
ممكن اضافة اناناس او برتقال حسب الرغبة على نفس المقادير و كل شي بس المختلف قبل ما نحط الصوص بالاخير بنضيف الاناناس او البرتقال على الجاج و نتركهم شي ليلقط الطعم
و الصوص كمان مختلف بنحط مية الاناناس يللي بتكون معاه بالعلبة مع كاتشاب وصويا صوص و خل ونشا و نضيفهم عليه و صحتين وعافيه.
حابب تحصل على كل وصفات زاكي؟ حمل تطبيق زاكي المجاني للأجهزة الذكية من هنا:
https://goo.gl/ze0y3j
نسعد بمتابعتكم لنا على جروب زاكي لفن الطهي:
طريقة عمل الدجاج الصيني بالخضار بالصور
