تخلصي من الفوضى فورا 3 الأدوات المبعثرة ملكة التنظيم

المقادير

• أدوات حلويات
• علب كرتون أو بلاستيك
• أكياس تفريز

الخطوات

كل وحدة فينا مر عليها يوم واحتارت ببعض الاشياء المكركبة .. فينا يلي اشترت منظمات ومقسّمات وفينا يلي بتدبر حالها

اليوم رح نتكلم عن التخلص من فوضى ادوات تزيين الحلويات تحديدا.. لانا بنشتريها وما بنستخدمها كل يوم فلازم يكون الها مكان مخصص يسهل علينا الحصول عليها بسرعة وسهوله بدون ماندخل بدوامة السؤال وييييييين راااااااحوا الاغرااااااض.

# ادوات تزيين عجينة السكر كتيرة ومتعددة وصغيرة ممكن تضيع بالادراج.. خزني كل مجموعة بتشبه بعض مع بعض.. وبعدين بتحطي كل اغراض عجينة السكر بعلبة واحدة .. علبة كرتون او بلاستيك. انا حاططتهم بعلبة قميص رجالي هههههههههههه.

# اقماع الكريمة وكيس الحلواني كمان قطعها صغيرة وبتضيع بسرعة.. نفس الشي علبة صغيرة على قدهم والافضل يكون علبة شفافة..

بتعرفوا علب السوس يلي بالسوبر ماركت خلي ابنك يشتريلك وحدة من السوبر ماركت بعد ماتفضى عالاغلب رح يعطي بياها صاحب المحل مجانا لانه رح يرميها وازا اخد ثمنها بياخد شي رمزي يمكن ربع دينار بس…. انا للأمانة علبتهم اجت معهم لما اشتريتهم مقسمة ومنظمة..

# قطاعات على شكل حروف بيتبعثروا بكل مكان وفيهم خطورة على ابنك الصغير ازا حطهم في تمه لاسمح الله فحطيتهم بكيس تفريز صغير.

# وبالاخر كل هالعلب يلي تنظمت رتبيها بشكل عمودي حطيها بأي درج او خزانة.. لو حتى برا المطبخ مو ضروري بالمطبخ.. بأي وحدة ادراج عندك لانهم مارح تستخدميهم كل يوم فما في داعي يضلوا عندي بالمطبخ.