طريقة عمل كيكة المقلاه بالصور
كيكه المقلايه اللي اشتهرت بأخر فتره وهي تشبه البان كيك من حيث الطبقات وطريقه الخبز والطعم رائع, تابعو معي الطريقه Ghalia jamour
المقادير للعيار الواحد:
بيضتين
ملعقه خل صغيره
عصره ليمونه
وملعقه ونصف صغيره فانيلا
خمس ملاعق سكر
سبع ملاعق زيت
ست ملاعق حليب سائل
٨ ملاعق طعام طحين
ملعقه طعام بيكنج باودر
الطريقه:
– بالخلاط بيضتين مع ملعقه خل صغيره وعصره ليمون وملعقه ونص صغيره فانيلا وخمس ملاعق طعام سكر, ونضربهم منيح بعدين انضيف سبع ملاعق طعام زيت, وست ملاعق طعام حليب سائل, ونخفقهم شوي بعدين انضيف ٨ملاعق طعام طحين منخول مع ملعقه طعام بيكنج باودر ونخفقهم شوي ونطفي عليها.
– انا هون عملت تلات عيارات لانو المقلاه كبيره عيار خليتو ساده وعيار حطيتلو ملعقه طعام مليانه كاكاو مر منخول, وعيار حطيتلو نصف ملعقه صغيره صبغه حمره بودره, اذا كانت المقلاه صغيره بتكتفو اذا بتحبو بعيار واحد ممكن تقسمو لقسمين واحد ابيض وواحد بكاكاو او ثلاث اقسام حسب حجم المقلايه.
– هلا انا كل عيار خبزتو على مرحلتين يعني يطلع عندي قطعتين كيك لانو المقلايه عندي كبيره فالعيار مابيطلع اكتر من قطعتين.
– دهنت المقلاه بشويه زيت بكل قطعه اخبزها وحط نص العيار عالمقلاه وعلى نار هاديه وغطيه مابياخد وقت بنكشف عالكيك ونلمسو اذا نشف من فوق واستوى نقلبو عالجهه التانيه بس شوي بدون تغطيه ونشيلو, وكل طبقه نخبزها بنفس الطريقه ونغطيه الكيك بس نخبزو مشان ماينشف.
– عملت صوص شوكولا:
وبس يبرد الكيك كل طبقه ادهنها شوكولا وحط فوقها الطبقه الثانيه, بس اللون الاحمر تركت طبقه مشان زين فيها وقسمتو قلوب والباقي اعملتو فتات.
– على وجه الكيك حطيت صوص الكراميل وبعدها فتات الكيك وشوي من من شوكولا فليك وبعدها زينتها بالقلوب, ودايما الزينه اجتهاد شخصي حتى الكريمه ممكن تحطو يلي بدكم وومكن اتسقو الكيك باي نوع من العصائر.
صوص الكراميل/
علبه قشطه حجم كبير
ملعقتين طعام سكر
قطعتين كيري
ظرف كريم كراميل البودره
ملعقتين كبيره حليب بودره
فانيلا
ونضربهم منيح بالخلاط وعالبراد شي ساعه لوقت الاستخدام.
صوص الشوكولا/
ثلاث ملاعق كاكاو كبيره نخلطها مع نصف كوب سكر ملعقه ونصف كبيره نشا ونحطها عالنار ونحط فوقها كوب ماء ساخن وممكن استبدالها بكوب حليب ساخن بجي اطيب مع التحريك وبعد ماتغلي نضع ملعقه زيت مازولا كبيره. وملعقه ونصف كبيره زبده وملعقه صغيره فانيلا. وونحرك قليلا ونطفي وتستعمل فورا.
نسعد بمتابعتكم لنا على جروب زاكي لفن الطهي بالضغط على هذا الرابط:
طريقة عمل كيكة المقلاه بالصور
حابب تحصل على كل وصفات زاكي؟ حمل تطبيق زاكي المجاني للأجهزة الذكية من هنا:
https://goo.gl/ze0y3j
