سينابون القرفه بصوص الشوكولاه
سينابون القرفه بصوص الشوكولاه
المقادير
- اربع اكواب طحين ابيض
- بيضه بدرجه حراره الغرفه
- 100 غرام زبده طريه
- كوب ونص حليب سائل دافي او اقل حسب نوع الطحين
- معلقه كبيره خميره معلقه كبيره حليب بودره
- معلقه صغيره بيكنج باودر
- معلقتين كبار قرفه مطحونه
- كوب سكر بني
- نص كوب زبده سايحه لدهن العجينه عند التشكيل
- معلقه صغيره فانيلا سائل
- خليط التلميع:
- بيضه
- نص معلقه نسكافيه
- رشه فانيلا
- معلقتين صغار حليب سائل
- مقادير صوص الشوكولاه:
- نص كوب حليب سائل بارد
- معلقتين صغار سكر ناعم
- ربع معلقه كبيره زبده طريه
- رشه قرفه
- معلقه صغيره نسكافيه
- معلقه كبيره كاكاو بودره
الخطوات
بسم الله نبدا
اول اشي بنخلط جميع المكونات الجافه مع بعض وبعد هيك بخفق البيضه مع نص كاسه حليب وبضيفها للعجينه وبنضيف الزبده الطريه وبنستمر بالعجن بالحليب السائل واهم اشي العجن لمده عشر دقائق على الاقل لما تتماسك عنا العجينه وتسير مطاطه وناعمه وطريه بنغطي العجينه وبنخليها تخمر نص ساعه تقريبا وبعد هيك بنقسمها قسمين وبنريحها شوي وبنرق القسم الاول رغيف كبير وبندهنو بالزبده وبنرش السكر والقرفه وبنلفو رول وبعد هيك بنقطعو بالحجم يلي بدنا ياه بنصفو على صينيه الفرن وبنضغط عليه شوي وبنتركها تخمر ويتضاعف حجمها وبعد هيك بندهنا بخليط التلميع من دون ضغط على العجينه منشان نحافظ على شكلها وعلى الهوا يلي بداخلها وبنخبزها تقريبا ربع ساعه على نار هاديه 180 درجه لما لونها يسير ذهبي فاتح او حسب الطلب وبطلعها من الفرن وبنغطيها خمس دقايق بقماشه نظيف وبعد هيك بنخليها تبرد منيح وبنزينها بالصوص
- خليط التلميع:بيضه ونص معلقه نسكافيه ورشه فانيلا ومعلقتين صغار حليب سائل بنخلطهن منيح مع بعض
طريقه عمل الصوص
بنخلط جميع المكونات على الخلاط ما عدا الزبده الطريه لما يمتزجو مع بعض بنضيف الزبده وبنستمر بالخفق لما تختلط الزبده مع الخليط وهيك بسير جاهز الصوص للتقديم
وتقدم والف صحه وهناا
يا رب تعجبكم وصفتي وتضيفوها للمفضله
تحياتي الكم جميعا رشا ام احمد
