طريقة عمل منسف اردني بالصور
الأكلة التي تميز الاردنين هي المنسف, صديقتنا المبدعة “الماسة فلسطين” ستخبرنا طريقة
إعداده خطوة بخطوة مع الصور.
للهم انك عفو كريم تحب العفو فاعفو عنا يا الله
منسف منسوف صغير يوم العيد الكبير
والليلة الكبيرة يا عمي والعالم كتيرة مليانة الشوادر يابا من الريف والبنادر
احنا اذا فرحنا بناكل لحمة
اذا زعلنا بناكل بناكل لحمة
الميت اذا مات الله يرحمة
تلات ايام بياكلو عن روحه لحمه
فكيف بالعيد السعيد
شو يعني منسف؟
بعني خروف اله شهرين تلاته مربينه عسطوح الدار
يعني اولاد الحاره مضلش حدى منهم اجى ولعب معاه
وهالايام هاي بناخد سلفي معاه
يعني ابوك ياخدك الصبح عاللحام تجيب الخروف واللحام وادبح باب الدار ??
يعني شمري عن ايديكي يما?? واعمليلنا كبده وبيضات ومعاليق? فطور بس
يعني لمة عيله عصينية مدوره مكللة بشقف هبره
يعني شرب يا ولد شرب لبن (بتشديد الراء)
يعني كماس رز بضم الكاف يعني سوشي ?
يعني شقفة الموزة الي ( يحق للام ذلك❤?)
المنسف بلبن الجميد
نغسل اللحمة من الشوائب
نغمرها بمية من الحنفية ونضيفلها رشة ملح مش عشان نملحها
الرشة هاي كفيلة انه تطلع زفرة اللحمة شقفة وحده
نضيف المطيبات بعديها بصلة حب هيل حب فلفل عرق ميرمية صغير عود كرفس او شومر الموجود
ونتركها تستوي عنار هادية ساعتين
بهاالاثناء راس الجميد نكسره ونضيفله مية سخنه ونتركه منقوع فيها ساعتين
بعدها نشيل هاي المية لانه بتكون مالحه شوية ونضيف بدالها شوية مرقه ونخفق اللبن لحد ما ينعم
نضيف اللبن ونصفي المرقة ونضيفها شوية شوية ونشوف كيف الطعمه لا هي خفيفة ولا تقيله
تقريبا راس الجميد اخد معي لتر ونص الى لترين مرقه
اللحمه رجعوها عاللبن تغلى معاه وبعدين بمعلقة سمنة بلدية اقدحوها فوق اللبن
فلفلو رز
حطو شراك بالصينية
سقو شوية لبن
فوقه الرز واللحمة والصنوبر واللوز وصحتين
تحياتي واحتراماتي
الماسة
نسعد بمتابعتكم لنا على جروب زاكي لفن الطهي بالضغط على هذا الرابط:
طريقة عمل منسف اردني بالصور
حابب تحصل على كل وصفات زاكي؟ حمل تطبيق زاكي المجاني للأجهزة الذكية من هنا:
https://goo.gl/ze0y3j
