دجاج كنتاكي روعه بقرمشته ولونه الدهبى وانضف واحلى من الجاهز

المقادير

• صدور دجاج صغيره منزوعة الجلد
• بهارات معلقه صغيره ثوم بودر
• معلقه صغيره حبهان بودر
• معلقه صغيره كسبره ناشفه
• معلقه صغيره جنزبيل بودر
• معلقه صغيره بهارات فراخ
• معلقه صغيره قرفه
• معلقه صغيره كركم
• معلقه صغيره كارى
• معلقه صغيره بصل بودر
• معلقه صغيره زعتر
• معلقه صغيره بهارات بابريكا
• معلقه صغيره ملح
• معلقه صغيره فلفل اسمر
• نص معلقة بيكنج بودر
• نص كوب دقيق
• معلقتين كبار نشا
• معلقتين كبار خل
• مكعبين مرقه مبشورين
• معلقتين كبار زبادى
• للخلطه الخارجيه
• ٣ أكواب دقيق ربع معلقه بيكنج بودر
• ٣/٤ كوب نشا

الخطوات

نخلط كل البهارات معا ونقسمها نصين نص على الفراخ ونص على الدقيق الخاص بالخلطه الخارجيه

وفى بوله نضع الفراخ والدقيق والنشا والخل والبيكنج بودر وكوب ماء ساقع

ومعلقتين زبادى ونص التوابل ونقلب الفراخ فى الخليط وتترك فى التلاجه ليله كامله

تانى يوم نخلط مقادير الخلطه الخارجيه وعليها النص التانى من التوابل وفى طبق تانى نضع بيضتين وفلفل اسمر وملح وشويه لبن

ونخرج قطعه قطعه من الفراخ ونضعها فى الدقيق ثم البيض ثم الدقيق

ونريحها نص ساعه فى التلاجه

وتقلى فى زيت ساخن غزير ونغطى عليها بعد ٣ دقايق لضمان الاستواء الداخلى وتخرج فور الحصول على اللون الدهبى

وتقدم بالهنا والشفا