كراوية حلوان ولادة أختنا نسرييين

المقادير

• كوب كراوية مطحونة
• كوب رز مطحون وممكن اقل او اكثر حسب قوة طعم الكراوية
• سكر حسب الرغبة

الخطوات

بسم الله الرحمن الرحيم

مندوب الرز والكراوية بمي فاترة ومنحطهم عالغاز مع التحريك المستمر لحتى يغلو بتلاقوها سمكت

ومنخليهم يغلو عشر دقايق لتستوي حبة الكراوية والرز وبعدين منضيف السكر ودوقو وشوفو اذا حبيتو تزودو السكر وطبعا منتحكم بالسماكة اللي بدنا ياها عن طريق اضافة المي بالتدريج

الافضل تكون سميكة شوي صغيرة

ومنزين الوش بجوز الهند والمكسرات حسب الرغبة وهنا والف عافية يارب

طبعا الكراوية الها فوائد كتيرة عدا عن طعمتها الطيبة فياريت تجربوها وتدعو لاختنا نسرين والبيبي الجديد دعوة حلوة من قلوبكم الحلوة

بحبكم كلكم من كل قلبي وبتمنى رب العالمين يجمعنا كلنا بالجنة ان شاء الله..