بطاطا مشوية ملكة المقبلات

المقادير

• حبات بطاطا متوسطة الحجم مغسولة منيييح ومنشفه
• ملعقتين زبدة مذابة او زيت زيتون
• ملح
• فلفل
• بهارات عبيدو او بابريكا بصير
• شطة مجروشة
• شرائح جبنة اختياري انا هون مااستخدمتها.
• رشة اوريجانو

الخطوات

السلام عليكم ياوردات .. هالنوع من المقبلات صراحة كتيييير زااكي وبنفس الوقت سهل وسريع وشكله حلوو وانيق عالسفرة.. بسم الله نبدأ

# بنغسل البطاطا كتيييير منيح وبنشفها

# بنقسمها بسكين حادة لشرحات بس ماتوصل الشرحات للاخر بدنا تضل موصوله .

#بنحطها على ورقة المنيوم وبنتبلها بالزبدة او الزيت والملح والفلفل والبهارات يلي معنا كلها وبنتأكد انه كل المواد والزيت دخلوا دااخل الشرحات.. تعاملي معها بالفرشايه بلطف لحتى ما تتقطع الشرايح. ومن برا طبعا نفس الشي.

# هون ازا بدك تستخدمي شرحات الجبنة بتحطي بين شرحات البطاطا شرحات جبنة صغيرة.

# بنغلق الالومنيوم عليها منيح وعالفرن بتاخد 45 دقيقة.. بتفتحي الالومنيوم وبتحمريها.

# وصحتين وهنا يارب