مقبلاتي ورق عنب ملكة المقبلات

المقادير

• نص كيلو ورق عنب
• كيلو أرز متوسط الحبه
• لحمه مفرومه (أختياري) انا ما استخدمتها
• فلفل أسود+ ملح
• كاري
• بهارات دجاج
• بهارات عبيدو
• بهارات مشكله
• كركم
• معلقة قهوه صغيره (اختياري )
• بكيت ماجي
• رشة زيت زيتون
• شرائح بندوره
• شرائح بصل
• شرائح ليمون

الخطوات

مساء الخير حبوباتي العزيزات معكم أم محمد مشتركه جديده بزاكي الزاكي ما حبيت انضملكم وايدي فاضيه جبتلكم معي وصفة مقبلات ورق العنب ..هلا صحيح في البعض بعتبر ورق العنب أكله رئيسيه وفي البعض بستخدمه كمقبلات بجانب الاكلات الرئيسيه بالاخص بالعزايم الكبيره بكون حلو وجوده كمقبلات ..هاي اول وصفه ألي بزاكي فبتمنى تعجبكم وتضيفوها للمفضله ..واسفه طولت عليكم يلا ننتقل لشرح الوصفه ….

& اول شي يا حلوين بنقع الارز بمي ساخنه مع معلقة ملح انا بنقعه من بعد ما أغسله وبصفيه عند الاستخدام .

& بسلق ورق العنب غلوه او غلوتين بالمي وبعدين بنشله وبصفيه من المي وبحط عالمية السلق زيت زيتون ورشة كركم بحافظ عاللون وبعطي لمعه

& وبضع في الطنجره شرائح البصل ثم البندوره ثم الليمون

والليمون اختياري انا بحبه معه بعطي حموضه

يم يم هههههه ومن ثم بضع ورق العنب يلي بكون لفيته

& بسخن مي لطبخ الورق يلي ينغمر فيها الورق

وبضيفلها بكتين ماجي ورشة فلفل اسود ورشة كاري ورشة بهارات …ومن بعد ما تسخن المي بضيفها للورق ..وبزيد عالورق والمي شوية زيت قلي

&ملاحظه…. وبأمكانك تحطي صلصة البندوره بتعطي نكهه خاصه بس انا ما ضفتها يلي بحب يضيفها

& وبضع على الورق من فوق وهو عالغاز قبل الغليان جاط زجاج او صحن يلي يمنع انه الورق يتفتح مع الغليان وبحافظ على ثباته ومن بعد ما يغلي عالنار عاليه ومن بعد غليانه بشوي بوطي تحته الغاز وبخليه يستوي عالراحته

& أهم شي انه يستوي عالراحته ما نستعجل عليه انا بحبه يكون ذااايب

& وأخر شي من بعد ما اتاكد انه استوى وتنشف ميته طبعا انا بخليه رطب شوي ازكى بقدمه بصحون وسط يلي يتوزع عالسفره بشكل كامل

& وأخر خطوه وهي الأحلى شي لما نخلص تزينه ولكي الحريه بتزين الصحن …وتذوقه من بعد الرائحه اللذيذه يلي انتشرت بكل البيت وكل شوي بحكي يا سلااام ههههههههه

& وألف صحه وعافيه حبيباتي وان شاء الله تعجبكم وصفتي لورق العنب …