طريقة عمل البامية باللحم بالصور
وصفة لغذاء شهي ومغذي, تخبرنا به المبدعة والفنانة في فن الطهي: الماسة فلسطين
والتي تمتعنا بأسلوبها الشيق والممتع في كتابة وصفاتها, لنتابع الطريقة.
اللهم اغنني بالعلم، وزيني بالحلم، واكرمني بالتقوى، وجملني بالعافية.
عمركو فكرتو اديش انه صعب تتعاملي مع الناس
اجتني بنتي تعيط ومقهورة يا ماما عملو انتخابات مشان عريفة الصف ومحدش اختارني بس انا اخترت حالي
كمان انتخبتي حالك (يا حبيبة قلبي يا امي)
طيب ماهو في كمان ناس ما تم انتخابهم فعادي يا امي ما تدايقي
العريفة مفكرينها عشان يكتبو اسامي بعض ويفرجو المس انهم اشطر
بينما لما حكيت مع بنتي حكيتلها العريفة بدها تحافظ عالنظام
العريفة اللي بتقنع البنات انه مش لازم نشاغب ونقالب بالصف
العريفة هي اللي بتتحكم بالصف بدون ما ينفجر ويعمل فوضى
تماما متل المعلقة الخشب اذا حركتي البامية كتير بتنفجر وبطلع منها ماده لزجه بتخرب الطبخه كلها
فاذا انتي مش قد المسؤولية لا تتحمليها واستني لتتعلمي وتتقني فن التعامل مع البشر.
ولحتى نعمل البامية بدون ما تنفجر ?بدنا:
لحمة شقف ويفضل مدهنه ادسم وبما انه اضاحي الله يزيد ويبارك لا تفرزي طعمي الاولاد صحتين عقلبهم
بندورة ملح وفلفل وكزبرة ناشفة وتومه
قليت اللحمة اول شي بدون زيت لانه فيها دهن نزلت أدام منها وفيها
بس تحمرت اللحمة
ضفتلها المطيبات وعصير بندورة مشان استوي الحمة بالبندورة
بس استوت ضفتلها البامية وربع ساعة لاستوت طبعا يا دوب حركتها تحريكتين بس
قدحتلها بتومه وكزبرة ناشفة وضفتلها رشة فلفل
وفلفلت معها رز وصحتين:)
سوبر
تحياتي واحتراماتي
الماسة
نسعد بمتابعتكم لنا على جروب زاكي لفن الطهي بالضغط على هذا الرابط:
طريقة عمل البامية باللحم بالصور
حابب تحصل على كل وصفات زاكي؟ حمل تطبيق زاكي المجاني للأجهزة الذكية من هنا:
https://goo.gl/ze0y3j
