ميني سندويشات التونه ملكة المقبلات
ميني سندويشات التونه ملكة المقبلات
المقادير
- نص كيلو طحين متعدد الاستعمالات
- نصف كوب زيت
- نصف كوب حليب دافئ
- بيضه
- ملعقه سكر
- ملعقه ملح
- ملعقه خميره
- ٣ ملاعق لبن زبادي
- ماء كوب دافئ
- الحشو عباره عن:
- تونه
- خس
- او اي حشوه مفضله لديكم
الخطوات
السلام عليكم صبايا زاكي
اول شي منجهز العجينه
مننخل الطحين ومنتركو عجنب منذوب الخميره مع السكر بالحليب الدافئ ومنتركا عشر دقائق لتتفاعل
منخلط الملح مع السكر بقلب الطحين
لما نلاقي الخميره تفاعلت منضيف الزيت والبيضه واللبن ومنخلط منيح ومنضيفو فوق الطحين ومنعجن منيح ممكن هون نحتاج ماء منضيف ماء دافئ لتصير معنا عجينه ملساء مابتلزق منلما بملعقه زيت ومنغطيا ومنتركا تتخمر
بس تتخمر بعد نص ساعه
منقسم العجينه ل كرات حسب الحجم يلي بتفضلو ومنتركا تخمر مره تانيه بمكان دافي ولازم نغطيا
وبعد نص ساعه منجهز خليط التلميع حليب مع رشه نسكافيه ومندهن بخفه حتى تحافظ على الهواء ومنرش الوجه سمسم او حبه البركه او بدون حسب الرغبة
منخبزا على فرن حامي ١٨٠ ل ١٥ دقيقه من تحت وبعدا منحمر الوجه
ولما تبرد منحشيا
الحشو
علبتين تونه ورق خس
منصفي التونه منيح ومنحط عليه رشه كمون ورشه فلفل وممكن شطه
ومنحشي مع ورق الخس
او اي حشو بتفضلو
صحه وهنا للجميع
