اليالنجي السوري ملكة المقبلات

المقادير

• نصف كيلو ورق عنب
• كوب ارز حبه قصيره
• باقه بقدونس
• حبتين بندوره كبار
• حبتين بصل
• نص باقه نعنع
• كوب زيت زيتون
• نصف كوب دبس الرمان
• ملعقه قهوه
• ملح حسب الرغبه
• شرحات بطاطا

الخطوات

منجهز ورق العنب متل ما متعودين او كل ست بيت الها طريقه مفرز او بزجاجات

منجي للحشوه

منفرم البصل ناعم ومندبلو على الغاز بنصف كميه زيت الزيتون

بس يدبل منضيف كوب الارز المغسول

ومنحرك حوالي ٥ دقايقه بشوكه حتى الرز مايتكسر وبعدا منضيف البندوره المفرومه والبقدونس والنعنع ودبس الرمان والقهوه والملح ومنحرك ل خمس دقايق كمان ومنسكر الغاز ومنترك الحشوه تبرد

منحضر الطنجره ومنحط بالسفل شرحات بطاطا ومنطبق الورق لتخلص الكميه

بضيف عليه باقي كميه زيت الزيتون وملعقتين دبس رمان وفنجان مي لان الخضار راح تنزل مي

منحطو على الغاز عالي بس يغلي منوطي الغاز على اخف شي ومنتركوا من ساعه ل ساعه ونص

بيرجع لنوع الورق

وطبعا لازم تقله فوق الورق حتى ما يفك

ولما نلاقي استوى منتركو يهدا نص ساعه وبعدا منقلب الطنجره ومنقدمو على زوقنا

صحه وهنا للجميع