بسكوت رولز بسكاكر فيرماسيلي
بسكوت رولز بسكاكر فيرماسيلي
المقادير
- كوب زبده مثلجه
- نص كوب سكر مطحون
- 3 اكواب طحين ابيض
- نص معلقه صغيره باكينج باودر
- معلقه صغيره فانيلا سائل
- رشه ملح
- كوب سكاكر فيرماسيلي
- معلقه صغيره صبغه طعام لون اخضر
- معلقتين صغار عطر اللوز او ماء ورد او ماء زهر اختياري حسب الرغبه
الخطوات
بسم الله نبدا
بنضع الطحين والبيكنج باودر ورشه الملح والسكر بمحضره الطعام وبنخلطهم مع بعض شوي وبنضيف الفانيلا والزبده وبنستمر بالخلط لما تتماسك العجينه بنقسم العجينه قسمين متساويات بنضع على قسم منهم معلقه الصبغه الخضره وبنعجنها معهم لما يمتزج اللون منيح بنريح العجينه ربع ساعه بالثلاجه وبعد هيك بنرق العجينه البيضه بين ورقتين من ورق الزبده وبنرق العجينه الخضره كمان نفس الشي وبنضعها فوق العجينه البيضه وبنلفهم رول وبنغلف الرول بحبيبات الفيرماسيل وبنغلفها بنايلون وبنحطها ساعتين بالفريزر منشان تتماسك ويسهل علينا تقطيعها عكل حال انا موضحه الخطوات بالصور وبعد هيك بنقطعها احجام صغيره وبنصفهم على صينيه الفرن وبنخبزهم على نار هاديه 180 درجه تقريبا لمده ربع ساعه او اقل شوي حسب الفرن وبس يبردو بنقدمهم والف صحه وهناا
يا رب تعجبكم وصفتي لا تنسو تضيفوها للمفضله
تحياتي الكم جميعا رشا ام احمد
