كانولوني بكفته الدجاج الحار وسلطه الكينوا الشهيه ملكة المقبلات
كانولوني بكفته الدجاج الحار وسلطه الكينوا الشهيه ملكة المقبلات
كانولوني بكفته الدجاج الحار وسلطه الكينوا الشهيه ملكة المقبلات
المقادير
- مقادير الكانولوني:
- باكيت كانولوني او حسب الرغبه
- كيلو صدور دجاج منزوعه العظم
- ضمه كزبره او بقدونس
- سنين ثوم
- فلفل اخضر حار
- معلقه صغيره كمون معلقه صفيره فبركا حاره
- رشه فلفل اسود معلقه صغيره فابريكا حلوه
- ملح
- معلقه صغيره بهارات دجاج
- جبنه صفره مبروشه
- مقادير صلصه البندوره:
- راس بصل مفروم ناعم
- سنين ثوم
- معلقتين رب البندوره
- كوب مي
- اربع حبات بندوره مبروشات
- معلقتين كبار بقدونس مفروم ناعم
- رشه ملح
- رشه فلفل اسود
- مقادير سلطه الكينوا:
- ربع كوب حبوب الكنوا مسلوقه ومبرده
- بندوره تشيري او عادي حسب الرغبه
- كوب حمص حب مسلوق
- كوب خيار مخلل مقطع
- كوب بقدونس مفروم ناعم
- مقادير دريسنج السلطه:
- ربع كوب عصير ليمون
- ربع كوب زيت زيتون
- ربع كوب خل بلسمك
- ربع كوب عصير رمان
- رشه فلفل اسود
- رشه ملح
الخطوات
بسم الله نبدا
او اشي بنحضر كفته الدجاج بمحضره الطعام بنضع الدجاج والثوم والبقدونس والملح والفلفل والبهارات وبنطحنهم سوا وبس يجهزو بنبلش نحشي حبات الكانولوني وبنصفهم بصينيه الفرن وبنجهز صلصه البندوره كالمعتاد بنحوس البصل والثوم وبنضيف برش البندوره وكوب مي والملح والفلفل الاسود ورب البندوره وبنتركهم يغلو ليتماسكو منيح واخر اشي بنضيف البقدونس وبنطفي الغاو وبندير الصلصه فوق حبات الكانولوني المحشيه بالكفته وبنغلف الصينيه وبنضعهم بالفرن لمده نص ساعه تقريبا وبعد الاستوا بنرش الجبنه على الوجه وبنرجع الصينيه على الفرن لتذوب الجبنه وتقدم ساخنه والف صحه وهناا
طريقه تحضير سلطه الكينوا
بنفرم الخضار حسب الرغبه وبنخلطهم مع بعض وبنضيف الكينوا وحبوب الحمص والرمان وبنخلطهم على الخفيف وبنضعهم بصحن التقديم
وبنكون جهزنا الدريسنج وبنضيفو على السلطه وبنحركها تحريك خفيف وتقدم والف صحه وهناا
يا رب تعجبكم وصفاتي ولا تنسو تضيفوها للمفضله
كل الاحترام الكم جميعا رشا ام احمد
