طريقة تحضير كبسة البطاطا بالصور

طريقة تحضير كبسة البطاطا بالصور
وصفة سريعة سهلة, وشهية, تعرف على الطريقة مع المبدعة الماسة فلسطين
واستمتع بقصصها وأسلوبها المميز في الكتابة.

ارحمنا برحمتك يا الله وارزقنا نعمة النظر الى وجهك الكريم …… اللهم آمين
تك تك تك ..هذه الساعة تدق سبعة
قوم واصحى ااوام بسرعة
تعرفو لو فقت ٦:٥٦ بقومش في كمان اربع دقايق نوم
نوم اخر خمس دقايق تسوى كل نوم الليل? حقي ومستحقي ساعات نومي
ملحقة عالدوام والفيقة والسندويشات والبس بوتك هات جربانك
بسرعااااا يا ماما الباص الباص الباص (طبعا بحنية الصوت) ?انتحر الباص وهو يزمر
طبعا اول نص ساعة من نهار اي ام موظفة تتمنى تطير وتعدي بهدوء وسلام
وليش تشتغلي شو اللي جابرك
وليش اقعد في الدار دام انه في طاقة عندي
وليش اقعد في الدار وبإمكاني اساعد زوجي
وليش اقعد في الدار وانا قادره اوفق بين البيت والوظيفة والدوام
مش شطاره مني لا طبعا
بتوفيق رب العالمين اولا وبالتنظيم وبتحديد المهام لكل فرد بالدار
اطبخ قبل بيوم او الصبح قبل ما اروح او ع يومين
المهم اطبخ وما يحسو الاولاد انه ناقصهم اهتمام
ولانه اليوم الاهتمام جميل كبستلهم كبسة بأكلة صينية البطاطا اللي عملتها امبارح
??كبسة البطاطا??
صينية بطاطا معمولة بالفرن من قبل (محتاجين باقي الطبخة)
مرقة كاستين
حبة لومي وبهار كبسة م ك
رز بسمتي كاسة
غليت باقي صينية البطاطا مع معلقة بهار الكبسة وزبطت الملح
ضفتلها الرز البسمتي المغسول والغير منقوع
تركتهم عنار متوسطه يغلو ولما نشفت المرقه هبطت النار وتركته يستوي عالهدوء
قدمته مع لبن رايب وصحتين
تحياتي واحتراماتي
?الماسة?

نسعد بمتابعتكم لنا على جروب زاكي لفن الطهي بالضغط على هذا الرابط:
طريقة تحضير كبسة البطاطا بالصور

حابب تحصل على كل وصفات زاكي؟ حمل تطبيق زاكي المجاني للأجهزة الذكية من هنا:
https://goo.gl/ze0y3j