متبل باذنجان بيشهي ملكة المقبلات

المقادير

• حبة باذنجان عجمي
• ليمونة
• 3 اسنان توم
• ملعقتين طحينية
• ملح

الخطوات

السلام عليكم ياوردات.. مافي ست مابتعرف المتبل هالمزة الشهية جدا تقريبا بتتقدم مع كل انواع المأكولات.. بسم الله نبدأ

# بنشوي الباذنجانة على عين الغاز لحتى تستوي وتنحرق قشرتها من برا.. وماننسى نقلبها كل شوي.

# بنشيلها عن الغاز على كيس بلاستيكي فورا وبنسكر لحتى تطلع رطوبة وتتقشر بسهولة.

# بنقشرها وبنفرمها فرم بسيك لانها رح تنضرب بالخلاط.. وبنضيف باقي المواد في هذه المرحلة التوم مهروس وطحينية وليمون وملح.

# عالخلاط بنضربها ضربتين فقط مدة كل ضربة 3 ثواني.. لحتى ماتصير مايعه ومش زاكيه ابدا.. بدنا تمتزج المكونات فقط.

# تقدم على ذووقك.. قدمت اقتراحين للتقديم بتمنى يعجبوكم.

# بتمنى تضيفوا وصفاتي للمفضلة.. المعركة طاحنة ههههههههههه