قوارب الجبنه والصفيحه التركيه ملكه المقبلات

المقادير

• العجينه نزلتا بوصفات سابقه
• حشوه الجبنه
• جبنه بيضا
• جبنه موزاريلا
• نصف كوب نعنع
• نصف كوب بقدونس
• حشوه اللحمه
• نصف كيلو لحمه
• بصلتين صغار
• قرن فلفل اخضر
• حبتين بندوره مقطعه بدون البذور
• ملعقتين لبن
• ملعقتين طحينه
• نصف فنجان دبس رمان
• ملح حسب الرغبه
• فلفل حسب الرغبه

الخطوات

السلام عليكم صبايا زاكي

راح شارك معكن طريقه معجنات طيبه كتير وطريه وخفيفه متل القطن

طبعا بعد تجهيز العجينه وتركا تتخمر

منجهز الحشوات

الجبنه

استعملت جبنه بيضا وجبنه موزاريلا وضفت عليهن بيضه ونقطه خل وبقدونس ونعنع

الصبايا يلي بيكرهوا البيض استغنو عنو مافي مشكه

حشوه اللحمه

منحط بالمقلايه ملعقتين زيت ومنضيف اللحمه بس يتغير لونا منضيف البصل ومنحرك شوي

ومنضيف الفلفل والبندوره ومنحرك لتنشف المي

منضيف ملح وفلفل ومنسكر الغاز بس تبرد منضيف اللبن والطحينه ودبس الرمان

وهون بتكون العجينه اختمرت

منبلش تشكيل حسب الرغبه

الفرن منحمي على ١٨٠ بياخدو ١٥ دقيقه ل ٢٠ حسب نوع الفرن

وصحه وهنا للجميع