كباب على الغاز بدون فرن

المقادير

• كيلو لحمه هبره مفروم ناعم
• بصله
• ضمة بقدونس
• سنين توم
• قرن فلفل حار
• ملح
• فلفل اسود
• كاري
• رشة قرفه
• قطعة ليه صغيره لفرمها مع اللحمه

الخطوات

بسم الله نبدا

الكباب من الاكلات المفضله ومعشوقة غالبية الناس واحيانا بنشتهيها لكن لضيق الوقت او الكسل من الهش والنش ما بنعملها

هذه الطريقه على الغاز ان شاء الله تعجبكم

اول شي بنحضر اللحمه وبنملحها وبنبهرها ببهاراتنا المفضله وبعجنها بايدنا منيح حتى تتماسك وبحضر صينيه بنحط بقاعها بصل شرحات وبندوره شرحات انا حطيت في القاع بطاطا مع البندوره لانها معشوقة الاطفال ما بستغنو عنها وبعدين بنعمل اللحمه على شكل حبات الكباب وبنرصها فوق شرحات البندور والبطاطا وبحط فوف الكباب شرحات البندوه وبضع الصينيه على الغاز على الواطي وبغطيها بالقصدير او بسدر اكبر من الصينيه الى ان تنضج وبطفي الغاز وبحمر الصينيه بالفرن

وبقدمها مع السلطات والمخللات والجرجير واللبن الرايب او الشنينه او اي شي بتحبيه والف صحه وهنا

استودعتكم لله الذي لاتضيع ودائعه