بيتزا
بيتزا
المقادير
- مقادير العجينة:
- 3 كوب طحين ابيض
- كوب ونصف ماء دافئ
- نصف كوب حليب بودرة
- نصف كوب زيت ذرة
- م.ص ممتلئة ملح
- م.ص بيكينج باودر
- م.ك خميرة فورية
- 2 م.ك سكر
- مقادير صوص البيتزا:
- حبات 3 بندورة حمراء
- 3 سن ثوم مهروس
- ملح
- فلفل
- م.ص ثوم بودرة
- م.ص بصل بودرة
- زيت زيتون وخل
- م.ص اوريغانو
- مقادير الحشوة
- فلفل الوان
- فطر مقطع
- بصل شرائح
- زيتون اخضر شرائح
- جبنة موتزريلا
- جبنة شيدر
الخطوات
السلام عليكم ورحمة الله وبركاته
طريقة عمل البيتزا بنوعين بيتزا الخضار و بيتزا مارغريتا وسميت بهذا الاسم نسبة إلى الملكة مارغريتا، الّتي زارت مدينة نابولي الإيطالية، وقدموا لها طبق البيتزا المصنوع بشكل أساسي من جبنة الموزاريللا فأعجبها طعمها.
اولاً/ العجينة
بننخل الطحين وبنضيف عليه الحليب والبيكينج باودر والملح والخميرة والسكر وبنضيف عليهم الزيت وبنخلط لحتى يتوزع الزيت على كل الطحين.
بنضيف المي الدافيه بالتدريج وبنعجن لحتى نحصل على عجينة ملساء وطرية وخاليه من التشققات ضروري.
بنتركها تختمر لمدة ساعتين
بنقطعها لنصفين وبنفرد في كل صينية قطعه وبنبدأ باضافة الصوص
ثانياً/ صوص البيتزا
بنبرش بندورة حمراء وطرية 3 حبات تكفي وبعد البرش بنقلبها في زيت زيتون وثوم طازج وثوم بودرة وبصل بودرة واوريغانو وملح وفلفل وخل ابيض وبنتركها تتسبك وتسمك لازم تصير تقريبا معجون طري.وبنفردها على العجين.
ثالثاً/ حشوة البيتزا
لكم الخيار في انواع الخضار كل عائلة حسب الذوق الخاص فيها.
بنضيف الفطر والبصل والزيتون وفليفلة الوان مع اني ما استعملتها ولكنها من مكونات البيتزا الرئيسية.
بنضيف الجبنة الموتزريلا واذا كان نوع شيدر بتطلع اطيب.
رابعاً/ الخبز
في فرن محمي مسبقا على حرارة 180 مئوية لمدة عشر دقائق الى ربع ساعة بتكون استوت بتحمريها وبتكون جاهزة.
خامساً/ بيتزا مرغريتا
هيه ابسط انواع البيتزا وهي النوع المفضل عند اطفالي وهيه عبارة عن العجين+الصوص+الجبنة فقط لاغير بدون خضار بدون لحوم.
