مثومه بدون بيض وسلطة الجرجير المنعشه مقبلاتي اللذيذه 3 ملكة المقبلات
مثومه بدون بيض وسلطة الجرجير المنعشه مقبلاتي اللذيذه 3 ملكة المقبلات
مثومه بدون بيض وسلطة الجرجير المنعشه مقبلاتي اللذيذه 3 ملكة المقبلات
المقادير
- مقادير المثومه بدون بيض:
- حبة بطاطا متوسطه مسلوقه
- عصير نص ليمونه او اكثر حسب الرغبه
- اربع اسنان ثوم مهروسين ممكن اكثر ممكن اقل
- معلق صغيره ملح
- معلقة خل حسب الرغبه
- معلقتين لبن زبادي بصير بدونه
- فنجان زيت قلي
- مقادير سلطة الجرجير:
- حزمتين من الجرجير تاخذ الاوراق فقط
- حبة بصل مقطعه اجنحه رفيعه
- كاسه صغيره زين زيتون
- جبنه بيضا مقطعه مكعبات
- كوب من حبيبات الرمان
- ملح
- معلقتين كبار سماق
الخطوات
بسم الله الرحمان الرحيم
يسعد اوقات الحبايب كيفكم يا رب تكونوا دائما بخير وهاديين البال
حبيباتي اليوم حابه اقدم الكم طبقين سهلين وبسيطين كلكم بتعرفوهم وبتعملوهم في بيوتكم ان شاء الله طريقتي المجربه تنال اعجابكم وتعتمدوها عندكم باذن الله تعالى
الطبق الاول المثومه بدون بيض
في البدايه بحضر الخلاط وجميع المواد حتى يسهل علي العمل طبعا بكون قطعت البطاطا وسلقتها وهرست التوم وجهزتو وفي الخلا اضع جميع المواد ما عدا البطاطا وبشغل الخلاط حتى اتاكد انه الزيت والملح والتوم وعصير الليمون واللبن مع بعض لاحظو انا في المقادير ما استخدمت اللبن احيانا بستخدمه احيانا لا وبعدين ببلش انزل البطاطا في الخلاط شوي شوي والخلاط شغال لما تخلص الكميه اذا شفتوها جامده حطولها شويه مي حتى تحصلوا على القوام المتوسط وبتسكبوها بصحن التقديم وبتغلفوها وعلى الثلاجه لانها اطيب وهي بارده
….سلطة الجرجير المنعشه….
حبيباتي بحضر جميع المواد وبكون اخذت من الجرجير الورق فقط وبغلسه عدة مرات بحذر وعنايه وبنقعوا بمي ومعلقة خل بس لمده دقيقه حتى اعقمه وما يتلف الورق بشطفه وعلى الصفايه حتى يتصفى من المي
في هذه الاثنا بخلط الزيت وعصير الليمون والسماق والملح مع بعض وبتركهم ياخذو نكهات بعض لمدة دقيقين
بحضر جاط عميق وبضع الجرجير فيه وبضيفله حبة البندوره المرومه ونص كمية الجبنه ونص كمية الرمان وضيف عليهم الخلطه المكونه من الزبت والملح وااليمون والسماق وبحركهم بعنايه وبزين الوجه ببقية الرمان والجبنه والف صحه وهنا
ملاحظه ..بامكانك استخدام الفطر او الجوز المفروم بدل الرمان وبامكانك استخدام الزيتون اوحبة فليفله اوحبة خيار مع الخلطه
استودعتكم لله الذي لاتضيع ودائعه شكرا الكم حبيباتي وبارك الله فيكم
