لازانيا بالخضار وبريك تركي بعجينه الباف بستري ملكه المقبلات

المقادير

• باكيت لازانيا او حسب الطلب
• خضار مشكله حسب الرغبه
• راس بصل كبير
• اربع اضراس ثوم
• نص كيلو لحمه مفرومه
• او صدور جاج مفرومين
• معلقه صغيره بهارات مشكله
• رشه فلفل اسود
• رشه ملح
• معلقتين كبار صوص البندوره
• جبنه صفره مبروشه او شرائح
• كوبين بندوره مبروشه
• نص ضمه بقدونس او كزبره
• مقادير البريك التركي
• عجينه باف بستري جاهزه
• جبنه او بطاطا مسلوقه ومهروسه ومتبله حسب الرغبه لحشي البرك
• خليط التلميع:
• صفار بيضه
• معلقه صغيره خل ابيض

الخطوات

بسم الله نبدا

اول اشي بنحوس البصل والثوم وبنضيف اللحمه وبعد خمس دقايق بنضيف الخضار وبنحوسهم مع بعض لما تسير نص استوا وبنضع البندوره المبروشه وكوبين كبار مي وبنضيف عليهم صوص البندوره وبنضيف البهارات والملح والفلفل الاسود وبعد يهيك بتركهم يغلو مع بعص عشر دقايق وبنطفي الغاز وبنضيف الكزبره او البقدونس بعد هيك بنجيب صينيه الفرن او صحن فايريكس بنضع فيه شويه من صلصه الخضار واللحمه المفرومه وبنضيف طبقه شرايح الازانيا فوقهم وبعد هيك بنرجع بنحط طبقه من صلصه الخضار وبنرجع نحط كمان طبقه من اللازانيا لما نخلص الكميه بنضع على وجها الجبنه الشرايح او المبرووشه وبنلفها بورق القصدير وبندخلها للفرن لمده ساعه الاربع تقريبا والف صحه وهنا يا رب تعجبكم وتجربوها

خليط التلميع صفار بيضه ومعلقه صغيره خل ابيض بنخلطهم مع بعض وبندهن فيهم وجه البرك قبل الخبز مباشره

طريقه عمل البريك التركي بنقسم عجينه البريكس حسب الطلب وبنحشيها بالجبنه او البطاطا وبنسكرها وبندهنها بخليط التلميع وبنرش عليها سمسم وبنخبزها بالفرن تقريبا عشرين دقيقه او اقل حسب الفرن والف صحه وهنا

لا تنسو تضيفو وصفتاتي للمفضله اذا عجبتكم

تحياتي الكم جميعا رشا ام احمد