مكدوس الفاصوليا ملكه المقبلات

المقادير

• نصف كيلو فاصوليا
• كوب جوز مفروم وسط
• كوب دبس فليفله حلو
• معلقه دبس حار
• ٣ سنن ثوم
• زيت زيتون
• ملح للحشوه
• لسلق الفاصوليا منحتاج:
• ملعقه صغيره ملح
• سكر
• خل للحفاظ على لون الفاصوليا

الخطوات

السلام عليكم صبايا زاكي

نبدا الوصفه بغسل وتقطيع الفاصوليا بس تكون قطع خشنه

بعدا منسلق الفاصوليا بس مو لتستوي على الاخر لازم تلت ارباع استواء

ومنضيف ملح وسكر وخل ملعقه صغيره

بس تستوي منصفيا ومنحط عليها تقل لنتخلص من كل المي ليوم كامل

منجهز الحشوه منهرس الثوم منضيفوا لدبس الفليفله والجوز ومنحط عليهن زيت زيتون ومنحركن ومنتركن ليله كامله لياخدو نكهه بعض

بعدا منضيفن للفاصوليا ومنحتفظ فين بالبراد مغمورين بزيت الزيتون

صحه وهنا للجميع