الباطرش الحموي ملكه المقبلات

المقادير

• حبتين باذنجان
• كوب لبن
• ملعقتين لبنه
• نصف كوب طحينه
• ٢ سن ثوم
• عصير نص ليمونه
• لحمه مفروم ناعم
• صلصه طماطم ٣ ملعقه كبيره
• ملح
• فلفل
• للتزيين:
• لوز

الخطوات

السلام عليكم صبايا زاكي

الباطرش او المتبل الحموي اكله سوريه يمكن مومعروفه للكل راح نعملا مع بعض بتمنى تجربوها لانها طيبه كتير

نبدا الوصفه بشوي الباذنجان متل ما الكل بيعرف

لمايستوي ونقشرو ونضفوا منصفي منيح من المي

وبعدا منقطعوا ناعم

منضيف عليه اللبن واللبنه والطحينه والثوم المهروس والليمون والملح ومندوق اذا ناقص شي

منجهزو بطبق التقديم

منجي للصوص

منطبخ اللحمه على النار لتستوي وتنشف ميتا منضيف عليها صلصه الطماطم وملح وفلفل وفنجان مي ومنخليا تتسبك عشر دقايق

وبعدا منضيفا فوق المتبل

منزين باللوز

بيتقدم مع الخبز العربي والفلفل الاخضر

صحه وهنا للجميع