رز بالخضار مع فخذ الديك الرومي

المقادير

• فخذ ديك رمي
• ملح
• نصف كوب خل
• بهارات دجاج
• ثوم مهروس
• كوب لبن
• نصف كوب زيت زيتون
• صلصه طماطم
• ليمون شرائح
• ٤ كوب رز بسمتي
• فطر طازج
• ٤ حبات جزر
• بصلتين
• بابريكا حمرا
• فلفل اخضر حار
• للتزيين:
• لوز
• زبيب
• بهارات مشكله:
• فلفل
• اوريجانو
• كمون
• كزبره
• جوزه الطيب

الخطوات

السلام عليكم صبايا زاكي

نبدا وصفتنا بتنضيف فخذ الديك ونقعو بخل وملح لساعه وبعدا منصفي منيح

منجهز التتبيله

منحط اللبن وصلصه الطماطم والخل والبهارات والزيت والثوم والملح

مننقع الفخد ومنفرك منيح الخلطه ومنعمل بقلبو فتحات صغيره ليتخلل الطعم لجوا

ومنحاول كل ساعتين نحركو مع التتبيله

منحمي الفرن على ٢٥٠ درجه

منحط الفخد مع التتبيله ومنضيف عليه كوب ماء ومنغطي بقصدير اول نصف ساعه على حراره ٢٥٠ وبعدا منخفض ل ٢٠٠ اخد معي ساعتين

@الرز

منغسل الرز ومننقعو

وبهي الاثناء منقطع الخضار بس قطع وسط حتى تبقي مبينه بالرز

منحط بالطنجره معلقه سمنه ومندبل البصل وبعدا الجزر وباقي الخضار ومنحرك

منضيف بهارات حسب ذوقكن انتو انا ضفت عليه بهارات كبسه وماجي بودره

منضيف كميه ماء مناسبه للارز وبعدا منصفي الرز ومنحطو فوق الخضار ومنهدي الغاز ليستوي معنا

منقدموا بالطريقه يلي بتناسب كل ست بيت

زينتو باللوز والزبيب

وحطيت الفخذ فوقو

ممكن الفخذ بعد مايستوي تشرحوه شرحات وتحطوا فوق الرز

صحه وهنا للجميع